Լիլիթ Հովհաննիսյանը կոտրեց լռությունը. Նա չի փակել նաև օնլայն խանութը

Newmag.am-ը գրում է.

Այն ակտիվությունն ու տեսահոլովակը-տեսահոլովակից հետո պրեմիերաներ կազմակերպելը երգչուհի Լիլիթ Հովհաննիսյանի գլխավոր ձեռքբերումն էր: Չկար մի ամիս, որ երգչուհին հանդես չգար նոր երգով ու տեսահոլովակով: Նա ակտիվ էր նաև համացանցում: Այնինչ, վերջին շրջանում նա լռում է, չեն թողարկվում հիթային երգեր և երկրպագուներն անգամ խոսում են այն մասին, թե նա ամուսնալուծվել է, իսկ օնլայն խանութն էլ իրեն չի արդարացրել ու փակել է:

Եվ այսպես…Լիլիթը նոր շոու է բեմադրում Լոս Անջելոսի համար: Նոյեմբերի 15-ին կկայանա երգչուհու մենահամերգը «Passadena Civic Auditorium» համերգասրահում:

Ինչ վերաբերում է ամուսնալուծության մասին լուրերին, նշենք, որ մեր ֆոտոլրագրողը վերջերս նրան ու ամուսնուն տեսել է միասին, իսկ այսօր զույգը միասին է եղել երևանյան սրճարաններից մեկում և հանդիպել են դերասան-հաղորդավար Արսեն Գրիգորյանի հետ:

Պարզվում է նաև, որ նա չի փակել իր online shop-ը: Նրա բիզնեսը կարծես ինչ-որ մեկի սրտով չի եղել ու կայքը կոտրել են. հիմա վերականգնում են:

«Հարգելի follower-ներ,ուզում ենք ձեզ տեղեկացնել, որ կոտրել են Լիլիթ Հովհաննիսյանի պաշտոնական կայքը, որի մեջ զետեղված է LILIT HOVHANNISYAN ONLINE SHOP-ը, սակայն online shop-ի աշխատանքները չեն դադարել, մշտապես գործում է մեր հեռախոսահամարը և սոցիալական կայքերում շոփի պաշտոնական էջերը, իսկ կայքը, հետևաբար, նաև online shop-ը վերականգնման գործընթացի մեջ են և հասանելի կլինեն շատ շուտով։ Ի դեպ, շոփը համալրված է նոր տեսականիով»,-գրում է կայքի ադմինիստրացին սեփական ֆեյսբուքյան էջում: