Լիմինդրովիչի լավաշը`Սուրիկի հացին վնաս չէ…

Comment

Ձրի  հացը` միայն անձնագրերով ու ծննդյան վկայականներով

Ֆեոդալիզմը Հայաստանում նոր, յուրահատուկ ռեկորդներ է սահմանում: Եթե նախկինում ունեինք մարզային ֆեոդալներ, մարզային բարեգործ-ֆեոդալներ, քաղաքային բարեգործ-ֆեոդալներ, ապա ներկայումս արդեն կան նաև համայնքային, թաղամասային բարեգործ-ֆեոդալներ: Օրինակ հանրահայտ բարեգործ ու եկեղեցաշեն Սամվել Լիմինդրովիչն իր բարեգործությունների համար հստակ սահմաններ է գծել. իրեն պատկանող կիսակառույց «Մալաթիա մոլ» առևտրի կենտրոնի տաղավարներից մեկում լավաշի արտադրամաս է բացել և անվճար լավաշ է բաժանում բնակիչներին, բայց միայն Մալաթիա-Սեբաստիա համայնքի: Այսինքն, ըստ Սամվել Լիմինդրովիչի, ով Մալաթիա-Սեբաստիայից չէ, նրան չարժե օգնել, քանի որ դա արդեն իր տարածքը չի, ինքը միայն Բանգլադեշի թագավորն է: Այդ նպատակով Լիմինդրովիչը հրահանգել է, որ հացը բաժանեն անձնագրերով:
Նման մոտեցում այսօր երևի նույնիսկ Բանգլադեշ պետությունում չենք գտնի, որը, ի դեպ, աշխարհի ամենահետամնաց պետություններից է: Մնում է, որ Սամվել Ալեքսանյանն իր կառուցած եկեղեցու մուտքն էլ անձնագրերով դարձնի, որ հանկարծ ուրիշ համայնքից մարդ չգա մտնի: Չնայած երբեմն նույնիսկ «սեփական» համայնքից չի թողնում այնտեղ մարդ մտնել:

Արտյոմ  Եդիգարյան

Հ.Գ Դե ինչ, Հայաստանում հաց բաժանելու լուրջ մեկնարկը այլեւս տրված է.առաջին շարժը սկսվեց հեռավոր Սյունիքից, առայժմ կանգ է առել Մալաթիա-Սեբաստիա համայնքում: Մնում է սրտատրոփ սպասել, թե ում կհասնի ձրի պանիրը բաժանելու տիտղոսը…