Լկտի, անկիրթ մարդիկ են ընդունակ նման արարքների

Գիտեք, միայն Հայաստանում կտեսնեք, որ ամեն թափթփուկ, ամեն սրիկա մի կեղծ էջ է մտնում ու ինչ մտքով անցնում է ` գրում է:

Fnews.am-ի հետ զրույցում քաղաքագետ Գագիկ Համբարյանը, խոսելով ֆեյսբուքում սնկի պես աճող ֆեյքերի անազնիվ ու կասկածելի գործունեությանը, նախ եւ առաջ շեշտը դրեց նրա վրա, որ ԱԺ-ում այս մասին պետք է օրենք ընդունվի: Այդ ֆեյք ասվածների դեմ պետք է համապատասխան քայլեր ձեռնարկել: Գիտեք, միայն Հայաստանում կտեսնեք, որ ամեն թափթփուկ, ամեն սրիկա մի կեղծ էջ է մտնում ու ինչ մտքով անցնում է` գրում է: Եվ ի վերջո դժվար չէ պարզել , թե ով է կանգնած սրիկայության հետևում: Ընդամենը մի բողոք է պետք Ֆեյսբուքի հայաստանյան ներկայացուցչին և վերջ:

Մեր հարցին, թե ինչպե՞ս է վերաբերում տարածված այն կարծիքին, որ շատ հաճախ ֆեյքերի հետեւում կարող են կանգնած լինել քաղաքական գործիչներն ու նրանց կամակատարները, քաղաքագետը նշեց.«Չի բացառվում, ամեն ինչ Հայաստանում հնարավոր է , քանի որ խոսքի ազատություն ասվածը երբեմն շատերը սխալ են ընկալում, և սկսում են բամբասել, պիտակավորել, մեղադրել և զրպարտել և՛ կականց, և թե ՛տղամարդկանց: Լկտի, անկիրթ մարդիկ են ընդունակ նման արարքների: Ուստի պետք է հստակ ապացույցներ ունենալ և դիմել դատարան: Կարծում եմ հարցը կլուծվի հեշտությամբ: Եվ հարցը միայն ֆեյքերը չեն: Մեր ԶԼՄ-ները երբեմն մի հիմար ու կեղծ էջից կարող են վերցնել գրառում ու հրապարակել առանց ճշտումներ կատարելու: Չի կարելի տարածել զավեշտը , չի կարելի: ԶԼՄ-ների մեղավորությունը շատ մեծ է: Եթե կայքերը ջնջեն և արգելեն նյութերի տակ գրել հայհոյանքներ, կամ էջից չվերցնեն հայհոյախառն գրառումներ , ապա վիճակը կմեղմանա : Երբ լրատվամիջոցը նման բան է հրապարակում և մի անխելք էլ կարդում է , նա անպայման ընկերներին էլ է հաղորդում, որ գիտեք այսինչ կայքում այսինչ մարդու մասին այնպիսի բաներ էին գրել»:

ՆՄԱՆ ԴԵՊՔԻՑ ՀԵՏՈ ՆԱ ԱՄԵՆԱՔԻՉԸ ՊԵՏՔ Է ԴՈՒՐՍ ԳԱ ՔԱՂԱՔԱԿԱՆՈՒԹՅՈՒՆԻՑ 

Հարցին, թե ապացույցներով խոսելու դեպքում, ի ՞նչ կարող է սպասվել քաղաքական այն գործչին, ով խոսում եւ գործում է կեղծ ֆեյքերի տակ թաքնվելով, Համբարյանը սպառիչ պատասխան տվեց.«Նման դեպքից հետո ՆԱ ամենաքիչը պետք է դուրս գա քաղաքականությունից և վերջ դնի իր կարիերային: Ամեն դեպքում, նման արարքից հետո նրան ոչ ոք չի ընդունի: Եվ այդ «քաղաքական գործիչը» պետք է հնարավորինս ծանր պատիժ կրի նրանից , ում մասին գրել կամ խոսել է վատ ձևով» :

Դիտարկմանը, թե այնուամենայնիվ, ՀՀ-ում իրոք կա ՞ խոսքի ազատություն, թե՞ ոչ, քաղաքագետը մեկնաբանեց.«ՀՀ-ում խոսքի ազատությունը նմանվել է բարդակի: Ամեն թափթփուկ իրեն թույլ է տալիս մեծ-մեծ խոսել ու ասել, որ խոսքը ՀՀ-ում ազատ է : Դրանք հիմնականում ինքնահաստատման խնդիրներ ունեցող և իրենցից ոչինչ չներկայացնող, թույլ ու խեղճ մարդիկ են: Եվ նման մարդիկ ուզում են ինքնահաստատվել այն ԶԼՄ-ների հաշվին, որոնք դիտում կամ հավանում հավաքելու համար հրապարակում են անգամ ամենաէժանագին ու զավեշտ հիշեցնող նյութը: Ու փչացած հեռախոսի տարբերակով նյութը մի կայքից մյուսն է հասնում: Ասեմ, որ միանում եմ Ձեր բողոքին, եւ ուզում եմ, որ այս ամենը քրեականացվի ու մեղավորը պատժվի»: