«Լքված» ԱԺ կայք

Ամեն անգամ parliament.am կայք մտնելիս ոչ միայն կարելի է հանդիպել տարատեսակ կոպիտ լեզվական-մասնագիտական սխալների ու անգրագիտության, այլեւ ինֆորմացիայի բացակայության: Օրինակ՝ ԱԺ նախագահի էջ մտնելիս «Լուսանկարներ» բաժնում «նախնադարյան» թարմացումներ են. Գալուստ Սահակյանի լուսանկարներում ոչ միայն իսպառ բացակայում են նրա ընտանեկան նկարները, քանզի այստեղ իրապես «անունը կա, ամանումը չկա» վիճակ է, այլեւ նրա մյուս՝ «Պաշտոնական», «Ոչ պաշտոնական» եւ «Դիմանկարներ» բաժիններում այս տարվա իրադարձություններից որեւէ նկար չկա. ամենաթարմ լուսանկարը տեղադրված է 30.12.2014 ամսաթվով, որն ԱԺ նախագահի ամանորյա շնորհավորական ուղերձի նպատակով արված «տոնածառի» նկարն է: Այսինքն՝ մտնելով «ԱԺ նախագահի լուսանկարներ» բաժինը, կարելի է կարծել, թե Գալուստ Սահակյանն ամիսներով որեւէ պաշտոնական հանդիպման չի մասնակցել, գործուղման չի մեկնել, ընդունելություն չի ունեցել, նույնիսկ ԱԺ նիստերին ներկա չի եղել: Չնայած կայքի ընդհանուր լրահոսում երբեմն հայտնվող լուրերում առկա մի քանի խղճուկ նկարներ կան: Նկարների հարցում մեկ այլ խնդիր էլ կա. ԱԺ կայքի ոչ մի լուսանկար մեծացնել չի լինում, որպեսզի մեծ չափով երեւան դրանք, եւ կարողանանք ներբեռնել:

Նյութի աղբյուր`    hraparak.am