«Լուչշը քիչ ըլի, բայց իմաստավոր կիրառվի».Մանվել Գրիգորյան.VIDEO

Տեղեկացրել էինք, որ այսօր ԱԺ ԵԿՄ վարչության նախագահ, Արցախի հերոս Մանվել Գրիգորյանի գլխավորությամբ Եռասերունդ երկրապահ կամավորականների միության 5-րդ բրիգադի մարտիկները, պատանի երիտասարդ երկրապահականները 5-րդ մոտոհրաձգային կամավորական բրիգադի կազմավորման 25-րդ տարեդարձի առթիվ այցելեցին Եռաբլուր զինվորական պանթեոն:

Այսօր պանթեոնում էին նաև Սյունիքի նախկին մարզպետ Սուրիկ Խաչատրյանն ու նախկին պատգամավոր Առաքել Մովսիսյանը, ով 5-րդ բրիգադի կազմում եղել է գումարտակի, զորամասի հրամանատար:

Զինվորականները ծաղկադրում կատարեցին Մոնթե Մելքոնյանի, սպարապետ Վազգեն Սարգսյանի, զորավար Անդրանիկ Օզանյանի շիրիմներին:

ԵԿՄ լրատվության բաժնի պատասխանատու Վարդան Վարդանյանը,  Fnews.am-ի հետ զրույցում նշեց՝5-րդ բրիգադը ունեցել է երեք հաղթական ռազմերթ՝ ազատագրելով ու պաշտպանելով Արցախի ավելի քան 80 բնակավայր, այդ թվում՝ Մարտակերտ, Հադրութ, Ֆիզուլի խոշոր քաղաքները՝ հարակից գյուղերով:

Գեներալ Մանվել Գրիգորյանը,  լրագրողների հետ զրույցում նշեց՝ բրիգադը Արցախի պաշտպանության հարցում առանձնակի կարևորություն է ունեցել:

«Սա ամբողջ հայ ազգի, հայոց բանակի տոնն է: Պատերազմի օրերին մեզ հետ միասին կռվում էին նաև զինվորները, նորակոչիկները: Մեր տղաները հանուն երկրի՝ իրենց կյանքը, առողջությունն են տվել, և նրանց գործը պիտի շարունակվի: Ազատագրած հողերը պետք է շենացնենք, պաշտպանենք: Լիքը գործ կա անելու», - նշեց գեներալը:

Պատասխանելով Fnews.am-ի հարցին՝ գեներալ Մանվել Գրիգորյանը անդրադարձավ հայ զինվորների մարտական պատրաստվածությանը, բանակի վիճակին:

«Մեր բանակի վիճակը պետք է նախ մեր հակառակորդը գնահատի, ով ռիսկ չի անում հարձակվի: Մի անգամ հարձակում գործեց. ապրիլյան պատերազմը եղավ: Թշնամին իր պատասխանը ստացավ: Մեր բանակն այսօր մարտունակ է, կատարում է իր մարտական խնդիրները: Ճիշտ ա՝ նրանց փողերը մի քիչ շատ ա, ճչալով, գոռալով զենք-զինամթերք են առնում, բայց էն թվերին էլ ոչ թե կրկնապատիկ, այլ տասնապատիկ շատ են ունեցել: Շատ ունենալը ավելի վնաս ա: Թող քիչ ըլի, բայց կիրառվի», - նշեց Մանվել Գրիգորյանը: