Լյուստրացիա է պետք, որ տեսնեն՝ պետական պաշտոններում կա՞ն հատուկ ծառայությունների ներկայացուցիչներ

1in.am-ը գրում է.«Առաջին լրատվական»-ի զրուցակիցն է «Նոր ժամանակներ» կուսակցության նախագահ Արամ Կարապետյանը:

-Պարոն Կարապետյան, «Ժառանգություն» կուսակցության առաջնորդ Րաֆֆի Հովհաննիսյանը նախատեսում է Երևանում և մարզերում հանրահավաքներ անցկացնել: Ի՞նչ եք կարծում՝ եռյակի գործունեությունից դուրս ծավալվող այս զարգացումները ինչի՞ կհանգեցնեն:

-Բացարձակ ոչ մի բանի՝ ոչ եռյակի, ոչ էլ նույնիսկ քառյակի ներսում: Քաղաքական գործընթացները պետք է որոշակի հենք ունենան՝ հիմա դա իսպառ բացակայում է: Դա պետք է լինի կամ սոցիալական դրություն, կամ քաղաքական պահ, տնտեսական խնդիրներ. այս պահին հենց չկա՝ հարցերը կան, բայց սրացումը չկա: Առանձին խնդիրներ կարող են լինել, մի բան կարող եմ ասել՝ հիմա ավելի շատ կարևորվելու է Հայաստանի ապագա տնտեսական կացությունը: Շատ շուտով Հայաստանի տնտեսական խնդիրներն առաջնահերթ են դառնալու: Հայաստանը պետք է այնպես անի, որ կոլապսից խուսափի:

-Ընդդիմադիր պատգամավոր Նիկոլ Փաշինյանն է հանդես եկել Սերժ Սարգսյանի պաշտոնանկության նախաձեռնությամբ: Ըստ Ձեզ, ի՞նչ նպատակ է հետապնդում այս նախաձեռնությունը, երբ ակնհայտ է, որ բավարար քանակով ստորագրություններ չեն հավաքվելու՝ նույնիսկ առաջին ընթերցմամբ այն անցկացնելու համար:

-Դա ոչնչի չի բերի, ոչինչ չի փոխի: Լյուստրացիա են ասում․․․ բայց ես գիտեմ, որ լյուստրացիա պետք է անեն, որպեսզի տեսնեն, թե պետական պաշտոններում կա՞ն արդյոք հատուկ ծառայությունների ներկայացուցիչներ, այդ լյուստրացիային ես կողմնակից կլինեմ: Եթե Նիկոլ Փաշինյանը օրինագիծ մտցնի, որով կբացահայտի դա՝ մեծ հաճույքով կպաշտպանեմ և ամեն ձևով օգտակար կլինեմ, որ դա կատարվի: Ընդդիմության ներսում կամ ոչ իշխանականի ներսում լյուստրացիա անելը ոչինչ չի տալու: Դա ի՞նչ է տալու Հայաստանին: Լյուստրացիայի ենթարկենք ոչ իշխանականին՝ դա քաղաքականությո՞ւն է։ Եթե դա քաղաքականություն է, ուրեմն ես մի քիչ հետ եմ մնացել:

մանրամսները՝ սկզբնաղբյուրում