Մա՛մ, թուրքերը մեզ մորթելու են, մի գնա. Ինչի միջով են անցել շուշեցի 4 անչափահաս երեխաները

44-օրյա պատերազմից հետո Քաշաթաղից ու Շուշիից, Հադրութի, Ասկերանի, Մարտակերտի գյուղերի փախստականները տանիք ու գործ գտնելու հույսով հանգրվանել են Ստեփանակերտում:  Մարդիկ հիմնականում ապրում են վարձով, բայց արցախցի մեր հայրենակիցների խոսքով` «պետության կողմից տեղահանվածներին տրամադրվող դրամական աջակցությունը հաճախ չի բավարարում տարրական բնակվարձ մուծելու համար»:

Նմանատիպ խնդիրներից ելնելով էլ Շուշիի նախկին բնակիչ 32-ամյա Իզաուրա Բալասանյանը օգոստոսի 1–ին 4 մանկահասակ երեխայի հետ որոշել էր հատել Շուշիի սահմանը՝ այնտեղ ապրելու նպատակով: Իզաուրան «Իրավունքի» հետ զրույցում ասաց, որ հարկադրված է այդ քայլին գնացել, որովհետեւ Արցախում կեցավայր չունի։ Նա հոկտեմբերի 1–ին Շուշիից դուրս է եկել եւ բնակություն հաստատել Ստեփանակերտի Դավիթ Բեկ փողոցի հանրակացարանում։ Մեկ ամիս առաջ հանրակացարանի սեփականատերը տան վարձը 100 հազարից 150 հազար դրամ է դարձրել, որը Իզաուրան ի վիճակի չի եղել վճարել։

Իզաուրայի ամուսինը մահացել է 2012-ին, սրտի կաթվածից: Երկու տարի առաջ էլ, օգոստոսին թաղել է մորը: Նրանց երկուսի գերեզմաններն հիմա ադրբեջանցիների կողմից օկուպացված Հադրութի Ուխտաձոր գյուղում է:

Արցախցի կինը իր այդ քայլը այս կերպ պատճառաբանեց.

-Ջղայնացած, հուսալքաված վիճակում չգիտեի ինչ անեի, էրեխեքիս վերցրեցի ու ճանապարհվեցի դեպի Շուշի, մնալու տեղ չունեի:

-Պատասխանատու մարմիններին չէի՞ք դիմել ասելու, որ ունեք կեցության խնդիր:

-Նախարարություն եմ դիմել, բայց իմ հացին լուծում չեն տվել, ես էլ այդ քայլին եմ դիմել:

-Երեխաները չէի՞ն հարցնում, թե ուր եք նրանց տանում:

-Մենակ աղջիկներս էին լացելով ասում` «Մա՛մ, թուրքերը մեզ մորթելու են, մի գնա»: Ես ասեցի ոչ մի բան էլ չի լինի ու առաջանում էի:

-Մինչեւ ո՞ւր գնացիք:

-Մինչեւ Դարուն բաղը:

-Ճանապարհին չհանդիպեցի՞ք ադրբեջանցի զինվորականներին:

-Չէ, չէ, ես մենակ մերոնց եմ տեսել, սուտ են գրել, որ տեսել եմ, չկա նման բան:

-Ենթադրենք, որ Ձեզ չէին կանգնեցնում, ո՞նց եք պատկերացնում թշնամու կողմից օկուխացված տարածքում ապրելը:

-Ես չէի գնում իրենց հետ ապրելու, չէ ես թշնամու հեըտ չէի ապրի, ես ազգի դավաճան չեմ: Ես գնալու էի Շուշի զոհվելու, էրեխեքս էլ հետս:

Զրույցի ուշագրավ մանրամասները՝

Iravunk.com-ում

Զրույցը՝ԻԼՈՆԱ ԱԶԱՐՅԱՆԻ