Մաքսային Միությանն անդամակցելը ճիշտ եվ արդարացի որոշում էր.Կովալենկո Շահգալդյան

fnews.am-ի խնդրանքով, Կոտայիք մարզպետ Կովալենկո Շահգալդյանը պատասխանեց մեզ հետաքրքրող մի քանի հարցերի:

-Պրն.Շահգալդյան,բոլորովին վերջերս Հայաստանը որոշեց անդամակցել ՄՄ-ին,ըստ Ձեզ,ինչպիսի՞ որոշում էր դա, և իրականում ի՞նչ ազդեցություն կարող է ունենալ այն  մեր երկրի ապագայի համար:

-Իհարկե սեպտեմբերի 3-ից հետո,երբ Հանրապետության նախագահը հայտարարեց,որ մենք ցանկություն ունենք անդամակցելու ՄՄ-ին,շատ մեծ շահարակումներ եղան,բայց ես կարծում եմ,երկրի նախագահը ճիշտ և արդարացի որոշում է կայացրել:Մենք, իհարկե,պատմականորեն կապված ենք Ռուսաստանի հետ: Ռուսաստանը այն եզակի պետություններից է, իսկ ռուս ժողովուրդն այն եզակի ազգերից, որ ի տարբերություն այլ ագերի ու պետությունների ոչ թե դարերի ընթացքում ոչնչացրել այլ պահպանել է մեր մշակութային արժեքները, նպաստել մեր երկրի զարգացմանը:Այսօր մեր արտահանող ապրանքների 90 տոկոս  շուկան Ռուսաստանն է, էլ չեմ խոսում աշխատանքի մեկնող մեր հայրենակիցների մեծ մասի մասին,ովքեր  նույնպես  ապրում են Ռուսաստանում: Չմոռանանք, որ մեր աշխարհագրական դիրքի պատճառով  եւս, մեր երկրի պաշտպանունակությունը ապահովելու խնդիր նույնպես կա, և որ մեր երկրի սահմանների համապատասխան հատվածներ դեռեւս պաշտպանում են Ռուսաստանի զորքերը: Մեր դարավոր կապերը մեզ հնարավորություն են տվել ազատ շփվել ռուս ժողովրդի հետ,մեկ այլ ժողովրդի հետ այդ շփումը այս պահի դրությամբ չեմ կարծում, որ այդքան ամուր հիմքերի վրա են դրված: Ավելին ասեմ, ՄՄ-ին անդամակցելը, ոչ թե, շատերի բնորոշմամբ պարտադրված,այլ անհրաժեշտ քայլ էր,բայց և կարծում եմ,որ մեր  երկրի զարգացումը իրատեսական դարձնելու համար,մենք պետք է կարողանանք նաև ինտենսիվ փոխհարաբերությունների հաստատել ու ապահովել նաեւ մեր եվրոպական գործընկերների հետ:  Տնտեսական և քաղաքական  առումով,կարծում եմ,որ մեր երկրի նախագահը և իշխանությունները,  ի զորու են հավասարակշռված քաղաքականություն վարել և ՄՄ-ի անդամ երկրների և Եվրոպական երկրների հետ:

 -Պրն.Շահգալդյան,իսկ ինչպիսի՞ն են Ձեր և մարզի համայքների ղեկավարների փոխհարաբերությունները:

-Իմ կյանքի ընթացքում,ես սովորաբար մարդկանց գնահատել եմ իրենց աշխատանքով,հետո նոր միայն սկսել եմ ձևավորել անձնական փոխհարաբերություններ կամ խորացրել աշխատանքային հարաբերությունները:Ներկայումս մարզի 67 համայնքների ղեկավարների հետ էլ ձևավորված են նորմալ աշխատանքային և գործընկերական հարաբերություններ:Այն առաջընթացը,որն արձանագրվել է մեր մարզի համայնքներում և՛ ենթակառուցվածնքերի խնդիրնեը լուծելու, և՛ տարբեր բնագավառների առաջընթացը ապահովելու,կարծում եմ մեծ մասամբ մազպետի և համայքների ղեկավարների ճիշտ ձևավորված հարաբերությունների արդյունքն է:  Լավ աշխատող համայնքի ղեկավարների հետ ավելի լավ հարաբերություններ են ձևավորվում,մնացածների հետ`լոկ աշխատանքային փոխհարաբերություններ:

-Մինչև հիմա չեմ կարողանում պարզել ինչու՞ են շագրգռված իմ պաշտոնանկությամբ:Արդեն լրանում է իմ պաշտոնավարության 13-րդ տարին,այդ մասին խոսք չի գնացել միայն պաշտոնավարման սկզբի 3 տարում,դրանից հետո ցանկացած քաղաքական գործընթացների, պետական, համապետական ընտրություններից առաջ և հետո,մտածում են,որ ինձ պետք է պաշտոնանկ անեին: Որոշ լրատվամիջոցներ 7 երգ գիտեն, 7-ն էլ Կոտայքի մարզպետի պաշտոնանկության մասին: Փիլիսոփաներն ասել են,որ խելացի մարդիկ օգտվում են ուրիշների սխալներից, մի քիչ պակաս խելացիները գոնե իրենց սխալներից, իսկ ավելի պակաս խելացիներըիրենց սխալներից էլ չեն օգտվում: Հիմա ես ի՞նչ անեմ,որ որոշ լրատվամիջոցներ 10 տարի սխալվում են ու այդ սխալից հետևություն չեն անում: Կարծում եմ,հանրապետության ղեկավարությունը Կոտայքի մարզպետի աշխատանքից գոհ է և ես շարունակում եմ պաշտոնավարել:

 Զրույցը՝Կարինա  Սահակյանի