Մարդ առևանգելու համար 7 տարի հետախուզվող տղամարդը հայտնաբերվել է

Նոյեմբերի 16-ին, ժամը 14:40-ի սահմաններում, ոստիկանության քրեական հետախուզության գլխավոր վարչություն բերման է ենթարկվել 30-ամյա Արսեն Ալոյանը: Նրան քրեական հետախույզները հայտնաբերել են Երևանի Հովսեփ Օրբելու փողոցում:

Ինչպես տեղեկացնում են ՀՀ ոստիկանության տեղեկատվության և հասարակայնության հետ կապերի վարչությունից, նախկինում չդատապարտված Արսեն Ալոյանը ոստիկանության Կենտրոնական բաժնի կողմից հետախուզվում էր մի խումբ անձանց կողմից նախնական համաձայնությամբ մարդ առևանգելու մեղադրանքով:

Նրա նկատմամբ հետախուզումը հայտարարվել էր 7 տարի առաջ՝ 2009 թվականի հունիսի 16-ին, խափանման միջոց էր ընտրվել կալանավորումը:

Արսեն Ալոյանը տեղափոխվել է ոստիկանության Կենտրոնական բաժին: