Մարությանի լավությունը Իգոր Խաչատուրովին․ ուշագրավ դրվագներ Խաչատուրովներից.irakanum.am

irakanum.am-ը գրում է. Հունվարի 29-ի՝ Երեւանի ավագանու նիստում բավականին երկար քննարկվեց ավտոկայանատեղիների հարցը։ Իրականում այն լուրջ խնդիր է Երևանի պես խիտ բնակչություն ունեցող քաղաքի  համար։ Անկանոն կայանումները հանգեցնում են անհարմարությունների թե՛ երթևեկության, և թե՛ հետիոտնի համար,  և այս պարագայում խնդրին լուծում տալը խիստ առաջնային է։ Սակայն քաղաքապետ Հայկ Մարությունյանի եւ մեր օրերի հեղափոխական ավագանիների կայացրած որոշումներն այս առումով կամայական են։

Ավագանին օրինակ մերժեց նիստին ներկա «Էլիտ Պլազա»-ի տնօրեն Դավիթ Մկոյանին, ով խնդրում էր չզրկել իրենց Շահումյանի անվան հրապարակի ավտոկայանատեղիից, արգելվեց նաև «Ամերիա» բանկին՝ որպես կայանատեղի օգտագործել Շահումյանի հրապարակը: Սակայն Թումանյան փողոցում գործող «Կոֆիսթորի»սրճարանի տարածքի ծառայողական ավտոկայանատեղիի շահագործումը թույլատրվեց։ Առաջին հայացքից տպավորություն է ստեղծվում, որ ավագանին խորամուխ է եղել, եւ պարզել, որ սրճարանի տարածքում մեքենաների կանգառը չի խոչընդոտում երթեւկությանը, եւ ավագանին արդարացի որոշում է կայացրել։ Բայց, դա իհարկե առաջին հայացքից։ Մամուլի հրապարակումների համաձայն «Կոֆիսթորի» սրճարանը պատկանում է ՀԱՊԿ նախկին գլխավոր քարտուղար Յուրի Խաչատուրովի որդուն՝ Իգոր Խաչատուրովին։ Սերժ Սարգսյանի կառավարման տարիներին անպատժելիության մթնոլորտում ապրող եւ «արարող» Խաչատուրով կրտսերը, ինչպես հայտնի է իշխանափոխությունից հետո «հեղափոխվել» է, եւ այլ «պանիատներով» է ապրում։  Իգոր Խաչատուրովն օրինակ առիթը բաց չի թողնում թակելու իրավապահների դռները։

Այն, որ նոր իշխանությունները այլ աչքերով են նայում Խաչատուրովներին գուցե ունի իր «տրամաբանական» բացատրությունը։ Մարդիկ «կարիքավոր» են։  Բայց, իհարկե ոչ այնքան, որ կարողանան գրավը վճաարեն եւ Յուրի Խաչատուրովը մնա ազատության մեջ։

Ի դեպ, ամիսներ առաջ Խաչատուրովների ընտանիքի «կարիքավորության» մասին դատական գործերի հետաքրքիր շարան է հայտնաբերվել  հանրային հարթակներից մեկում, որը ներկայացնում ենք հանրության դատին…

Այսպես. նախկին ՀՀ ՊՆ Գլխավոր շտաբի պետ, ՀԱՊԿ նախկին գլխավոր քարտուղար, գեներալ գնդապետ Յուրի Խաչատուրովի և ընտանիքի գործունեությունը ու բարոյական նկարագիրը՝ փաստերով։

1/ ԿԵՂԾ ՓԱՍՏԱՓՂԹԵՐՈՎ ԱՊՕՐԻՆԻ ՆՊԱՍՏ ԵՆ ՍՏԱՑԵԼ։ Դատական Գործ N: ԵԱՆԴ/5617/02/15
Յուրի Խաչատուրովի որդի՝ Իգոր Խաչատուրովի կնոջից՝ Աննա Խաչատուրովայից, բռնագանձվել է 216.000 ՀՀ դրամ ավելի ստացված նպաստի գումարը։ Խաչատուրովները Ավանի սոցիալական ծառայություն են ներկայացրել կեղծ տեղեկանք, որ Աննա Խաչատուրովան չի աշխատում, և դրա հիման վրա ստացել են մինչև երկու տարեկան երեխա ունեցող՝ չաշխատող մայրերին հասանելիք նպաստ՝ ամսական 18.000 ՀՀ դրամ։ Կեղծիքը բացահայտվել է, սոցիալական ծառայությունը պահանջել է ավելի ստացված գումարը, սակայն Խաչատուրովները հրաժարվել են վերադարձնել գումարը, և սոցիալական ծառայությունը ստիպված դիմել է բռնագանձման հայցով դատարան, որը բավարարել է, և կատարվել է բռնագանձում։

2/ ԽՈՍԵԼ ԵՆ ՀԵՌԱԽՈՍՈՎ ԵՎ ՀՐԱԺԱՐՎԵԼ ՎՃԱՐԵԼ
Դատական Գործ N: ԵԱՔԴ/1367/02/12
Հայցվոր «ԱրմենՏել» ՓԲԸ-ն, դիմելով դատարան, հայտնել է, որ Իգոր Խաչատուրովը հանդիսացել է 091-00-01-00 հեռախոսահամարի բաժանորդ: «ԱրմենՏել» ՓԲԸ-ի կողմից վերջինիս մատուցված հեռախոսակապի ծառայությունների դիմաց պատասխանողը չի վճարել, ինչի հետևանքով նրա դրամական պարտավորությունը հայցվոր կազմակերպության հանդեպ կազմել է 222.026 դրամ: Հայցը բավարարվել է, Իգոր Խաչատուրովից հօգուտ «ԱրմենՏել» ՓԲԸ-ի բռնագանձվել է 222.026 (երկու հարյուր քսաներկու հազար քսանվեց) դրամ, ինչպես նաև 4.440 (չորս հազար չորս հարյուր քառասուն) դրամ՝ որպես նախապես վճարված պետական տուրքի գումար:

3/ ՀՐԱԺԱՐՎԵԼ ԵՆ ՎՃԱՐԵԼ ԳՈՒՅՔԱՀԱՐԿԸ Դատական Գործ N: ՎԴ/3951/05/17
Հայցվոր Կենտրոնի թաղապետարանը դատարանին հայտնել է, որ Իգոր Խաչատուրովին սեփականության իրավունքով պատկանում են՝ ք. Երևան, Նալբանդյան փողոցի 98 հասցեի 13 բնակարանը, ք. Երևան, Նալբանդյան փողոցի 98 հասցեի 26 և ք. Երևան, Նալբանդյան փողոցի 98 հասցեի 9 հասարակական նշանակության շինությունները։ Սակայն 2014 թ.-ից մինչև 2016 թ.-ը վերջինս տվյալ անշարժ գույքերի գույքահարկերը չի մուծել, որը կազմել է 427.763 ՀՀ դրամ, և խնդրել է բռնագանձել այն։ Հայցը բավարարվել է, Իգոր Խաչատուրովից բռնագանձվել է 427.763 ՀՀ դրամ և 8.555 ՀՀ դրամ՝ որպես նախապես վճարված պետական տուրքի գումար:

4/ ՉԵՆ ՎՃԱՐԵԼ ՅՈՒՆԻԲԱՆԿԻ ՎԱՐԿԸ
Դատական Գործ N: ԵԱՔԴ/3302/02/09
«Յունիբանկ» ՓԲԸ-ն դիմել է դատարան և խնդրել է «Էֆֆե» սահմանափակ պատասխանատվությամբ ընկերությանը և Իգոր Յուրիի Խաչատուրովին պարտավորեցնել վարկային պարտավորությունները վաղաժամկետ կատարել և նրանցից բռնագանձել 54.631.111, 40 ՀՀ դրամ։ Հայցը բավարարվել է, որից հետո կնքվել է հաշտության պայմանագիր։

մանրամասն՝այստեղ: