Մարզպետանց մարզպետները խուսափում են...

Վարչապետ Հովիկ Աբրահամյանի կոռուպցիայի դեմ պայքարի մասին հայտարարությանը որևէ կերպ արձագանքելը կամ այն մեկնաբանելը պարզվում է մարզպետների մոտ խնդիրներ են առաջացնում: Համենայնդեպս Fnews.am-ի հարցին, թե որքանով է իրատեսական այս հայտարարությունն ու ինչպես այն կյաքնի կկոչվի, մարզպետներից մի քանիսը կցկտուր և խուսափոխական պատասխաններ տվեցին, իսկ մյուսների հետ ընդհանրապես չհաջողվեց կապ հաստատել:

Մեզ հետ զրույցում օրինակ Սյունիքի մարզպետ Սուրիկ Խաչատրյանը լսելով հարցը` հրաժարվեց հեռախոսով պատասխանել. «Շատ լավ ա, որ լրագրող ես, բայց եթե խնդիր կա, և ուզում ես խոսել, արի մեր մարզ գոնե դեմ առ դեմ նստենք, տեսնեմ ում հետ գործ ունեմ, եթե ինչ որ բան ա եղել, էդ ժամանակ կհարցնես, նոր ես քեզ կասեմ»,-ասաց Սյունիքի մարզպետը` չցանկանալով ոչինիչ ավելացնել դրան:

Գեղարքունիքի մարզպետ Ռաֆիկ Գրգորյանն էլ կասկածից վեր է համարում, որ կառավարությունն իր առջև դրված խնդիրը կկատարի: «Կարծում եմ մինչև այս որոշում կայացնելը բոլոր տեսակի ուսումնասիրությունները կատարվել են, ու էն խնդիրը որ դրված է կառավարության առաջ, արդեն կկատարեն»,-ասաց մարզպետը հրաժարվելով պատասխանել, թե կոնկրետ ինչ տարբերակով պետք է պայքարել կոռուպցիայի դեմ և ինչպես կարող է օրինակ ինքը աջակցել այս խնդրի լուծմանը. «Ինձ ավելի …. Ուրիշ խնդիրներ կան որոնցով ես զբաղվում եմ»,-ասաց մարզպետը` չմանրամասնելով, թե ինչ խնդիրների մասին է խոսքը:

Ինչ վերաբերում է «Հայաստանում գոյություն չունեցող մենաշնորհի» հարցին, ապա Գեղարքունիքի մարզպետը հորդորեց այս հարցով դիմել Արշակ Շաբոյանին (նկատի ունի ՀՀ տնտեսական մրցակցության պաշտպանության պետական հանձնաժողովի նախագահ Արտակ Շաբոյանին), քանի որ այս հարցում մասնագետը նա է:

Արագածոտնի գործող մարզպետ Գաբրիել Գյոզալյանի հետ կապ հաստատել չհաջողվեց, իսկ նակխին մարզպետ Սարգիս Սահակյանը երևի թե դեռ մեծ ակնկալիքներ ունի կառավարությունից, համենայնդեպս նրա պատասխաններից նման տպավորություն կարելի էր ստանալ: «Եթե կառավարությունը կոռուպցիայի դեմ ծրագիր է որդեգրել, ուրեմն կհասնի արդյունքի»,-արձագանքեց նախկին մարզպետը:

Դիտարկմանը, թե մինչ այս նման հայտարարություններ էլի արվել են, սակայն շոշափելի արդյունք չի եղել` Սարգիս Սահակյանը պատասխաենց. «Ես չգիտեմ, մինչև էս էլի եղել են հայտարարություններ, շատ են եղել, թե քիչ են եղել… ես տեղյակ չեմ»: Նախկին մարզպետը խուսափեց նաև անդրադառնալ վարչապետի այն հայտարարությանը, թե «Հայաստանում մենաշնորհ չկա»: «Ես չգիտեմ, էդ հարցին ծանոթ չեմ»,-ասաց նախկին մարզպետը: Մյուս մարզպետների հետ այդպես էլ կապ հաստատել չհաջողվեց:

Տաթեւիկ Աբրահամյան