Մասիվցի Անդիկի սպանությունն իրարանցում է առաջացրել քրեական աշխարհում ու իրավապահ համակարգում

«Հուլիսի 2–ի գիշերը Նոր Նորքում սպանվել էր «օրենքով գող» 46–ամյա Անդրանիկ Հարությունյանը, որը քրեական աշխարհում ավելի շատ հայտնի է Մասիվցի Անդիկ կեղծանունով: Նրա սպանությունը իրարանցում է առաջացրել ինչպես քրեական աշխարհում, այնպես էլ իրավապահ համակարգում:

Մասնավորապես, «ժողովուրդ» օրաթերթի տեղեկություններով` քրեական աշխարհում կատարվածից հետո հավաքվել են «օրենքով գողերը» և փորձում են հասկանալ, թե ով կամ ինչու սպանեց Անդրանիկ Հարությունյանին: Կարծիքներ են հնչել, որ Մասիվցի Անդիկը կասկածելի գործարքների մեջ չի եղել և ավելի շատ անշառ, մաքուր մարդ է եղել, և նրա սպանությունն, իսկապես, առեղծված է: Իսկ, ահա, իրավապահ համակարգը, որ 100 հոգով լծվել է սպանությունը բացահայտելու գործին, մտավախություն ունի` եթե բացահայտվի, որ սպանությունը կապ ունի գողական աշխարհում առաջացած հարց ու պատասխանների հետ, ապա հետևանքները կարող են անխուսափելի լինել:

Սակայն այս պահին, ըստ «Ժողովուրդ» օրաթերթի տեղեկությունների, ամենահավանական վարկածն այն է, որ սպանությունը կենցաղային խնդրի հետևանք է եղել»,-գրում է թերթը:

Առավել մանրամասն՝ թերթի այսօրվա համարում: