Մայիսի 5. օրվա իրադարձություններ, Վրաստան

«Վրաստանի զինված ուժերի Գլխավոր Շտաբի պետը պաշտոնական այցով գտնվում է
Թուրքիայում: Պաշտոնական այցի ընթացքում եռակողմ հանդիպում է կայացել Վրաստանի Զինված ուժերի Գլխավոր Շտաբի պետի, Ադրբեջանի Պաշտպանության նախարարի և Թուրքիայի Զինված ուժերի Գլխավոր Շտաբի պետի միջև: Կայացած հանդիպումը երեք երկրների պաշտպանության հարցերով նախարարականի շարունակությունն է, որը տեղի է ունեցել Թբիլիսիում: Կողմերը պայմանավորվել են խորացնել հարաբերությունները ռազմական բնագավառում: Հանդիպման ընթացքում քննարկվել են տարածաշրջանային անվտանգության հարցեր: Հատկապես քննարկվել է երեք երկրների զինված ուժերի ամրացման հարցը, տարածաշրջանում կայունություն և անվտանգություն հաստատելու համար: Հանդիպման ավարտին կողմերը ստորագրել են համատեղ արձանագրություն», -հայտնում է Վրաստանի Պաշտպանության
նախարարությունը:

Վրաստանի և Ուկրաինայի Ազգային Գվարդիաների ղեկավարները պայմանավորվել են համագործակցության երկարաժամկետ խորացման մասին: Այդ մասին մայիսի 5-ին հայտարարել է Ուկրաինայի Ազգային Գվարդիայի մամլո խոսնակը: «Այսօր Ուկրաինայի Ազգային Գվարդիայի ղեկավար Նիկոլայ Բալանը պայմանավորվել է իր վրացի գործընկեր Լևան Գամկրելիձեի հետ երկու երկրների Ազգային Գվարդիաների միջև երկարաժամկետ, խորը համագործակցության մասին: Առաջին հերթին խոսքը վերաբերում է փորձի փոխանակման և Ուկրաինայի Ազգային Գվարդիային հատուկ կադրերի նախապատրաստման օգնությանը»:

«Հայաստանի դեսպանի կանչը ԱԳՆ անհրաժեշտ քայլ էր: Հարկավոր էր լսել նրա
մեկնաբանությունը: Կարծում եմ մեկնաբանություն անելն անհրաժեշտ էր:
Դիվանագիտական մտածողությունը, քաղաքական անհրաժեշտությունը պահանջում էր, որպեսզի մեկնաբանություններն ընդունվեին», -մայիսի 5-ին հայտարարել է Խորհրդարանական մեծամասնության ներկայացուցիչ Գիորգի Վոլսկին:

Վրաստանի Եվրամիության դեսպան Յանոշ Հերմանի խոսքերի համաձայն` «եթե Վրաստանը վաղը հանկարծ դառնա Եվրամիության անդամ, դա ծանր հետևանքներ կունենա երկրի տնտեսության համար»: «Եվրամիության հետ ասոցացման մասին պայմանագրի շրջանակներում Վրաստանի տնտեսությունը կձևոփոխվի, կփոխի
բովանդակությունը: Գոնե կանոնակարգման մականդակում: Դրա համար որոշակի ժամանակ է հարկավոր: Աշխարհում կան շատ գրավիչ բաներ: Բայց եթե դու պատրաստ չես, գրավիչը կարող է դառնալ կործանիչ: Ասոցացման մասին պայմանագրի շրջանակներում Վրաստանը պետք է շատ բարեփոխումներ, վերակազմավորումներ անցկացնի», -մայիսի 5-ին հայտարարել է Վրաստանում Եվրամիության դեսպանը:

«Հանրապետական կուսակցության» նախագահ Խաթունա Սամնիձեն համոզված է, որ Թինաթին Խդաշելուն և Գիգլա Ագուլաշվիլուն նախարարական պաշտոններին նշանակումը շատ օգուտ կբերի: «Ի դեմս Խիդաշվիլու և Ագութաշվիլու` Կառավարությունը ձեռք է բերել շատ հայտնի, հաջողակ քաղաքական գործիչների և
առաջնորդների: «Հանրապետական կուսակցությունն» արել է իր նշանակալի
ներդրումը: Մինչ այդ մեր քաղաքական կուսակցությունը Կառավարությունում չուներ ներկայացուցիչ: Թեկուզև մենք կազմում ենք կոալիցիայի մաս, մինչ այս մենք նախարար չենք ունեցել: Այսօր Կառավարությունը դարձել է ավելի շատ
կոալիցիական: Եվ դա լավ է», -հայտարարել է «Հանրապետական» կուսակցության
նախագահը: Հարկ է նշել, որ իշխող կոալիցիայի մեջ մտնող «Հանրապետական կուսակցության» անդամ է հանդիսանում Վրաստանի Խորհրդարանի նախագահ Դավիթ
Ուսուփաշվիլին: «Հանրապետական կուսակցության» անդամ է նաև Համերաշխության և Քաղաքացիական հավասարության հարցերով նախարար Պաատա Զաքարեիշվիլին:
Մինչդեռ, նա Կառավարություն է մտել ըստ «Վրասցական երազանքի» ցուցակի:

«Սակագների աճը շատ տհաճ բան է: Չնայած որ ազգային արժույթը զգալիորեն արժեզրկվել է, դա դեռևս շատ չի արտացոլվել գների վրա: Չի բացառվում, որ չի հաջողվի գները անդադար պահել այդ տեսքով», -մայիսի 5–ին հայտարարել է Դավիթ
Զուրաբիշվիլին:

2015թ. հունվար-ապրիլին Վրաստանը արտադրել է 7 978 749 գինու շիշ 23 411
218 դոլարով աշխարհի 26 երկրի շուկաների: Հրապարակված վիճակագրությունում նշվում է, որ վրացական գինու վաճառքը 2015թ. ապրիլին 2014թ. նույն ժամանակահատվածի համեմատությամբ կրճատվել է 58%: Հիմնական երկրները, որտեղ Վրաստանը վաճառում է իր գինին, Ռուսաստանն է, Ղազախստանը, Ուկրաինան, Լեհաստանը և Չինաստանը: