«Մեգերյան կարպետ» ընկերությունը տոնում է հիմնադրման 100-ամյակը

Երեկ երեկոյան «Մեգերյան կարպետ» ընկերությունում տեղի ունեցավ ընկերության 100-մյակին նվիրված տոնական միջոցառում:
Հրավիրյալների թվում էին մշկութային և քաղաքական գործիչներ, արտասահմանից ժամանած հյուրեր, ինչպես նաև անձինք, ովքեր հետքրքրված են հայկական գորգագործությամբ:

Միջոցառմանը ներկա էր Գլենդելի քաղաքապետ Վարդան Կարապետյանը, Երևանի քաղաքապետ Տարոն Մարգարյանը, Երևանի ավագանու ՝ «Ելք» խմբակցության անդամ Անահիտ Բախշյանը, «Ժառանգություն» կուսակցության ղեկավար Րաֆֆի Հովհաննիսյանը, երաժիշտ, կոմպոզիտոր Արա Գևորգյանը, դերասանուհի Նազենի Հովհաննիսանը և այլք:

«Մեգերյան կարպետ» ընկերության նախագահ Րաֆֆի Մեգերյանի որդին՝ Հովհննես Ջոն Մեգերյանը իր խոսքում հիշեցրեց՝ «Մեգերյան կարպետներ» ընկերությունը հիմնադրվել է 1917 թվականին Նյու Յորքում, ի սկզբանե զբաղվել է նոր եւ անտիկ գորգերի վերանորոգման ու մշակման աշխատանքներով, ձեռագործ գորգերի առք ու վաճառքով:

Վերջինս շեշտեց՝ Մեգերյան ընտանիքը շարունակելու է այն աշխատանքը, որը հիմնադրել է իր պապը:

«Մենք շարունակելու ենք հայկական գորգագործությունը ներկայացնել աշխարհին և ջանալու ենք ավելի շատ աշխատատեղեր բացել», - ընդգծեց Հովհաննես Ջոն Մեգերյանը: