Մենք բազում խնդիրներ ունենք Ջավախքում, մեկը մյուսից գերակա

Վրաստանում կիրակի օրն անց են կացվել ՏԻՄ ընտրություններ, որի ժամանակ ընտրվել են տեղական խորհուրդները, տեղական վարչակազմերի ղեկավարները և քաղաքապետները, ներառյալ՝ մայրաքաղաքի։
Հայաստանի, Ադրբեջանի և Ղազախստանի դիտորդները կարծիք են հայտնել, որ Վրաստանի տեղական ինքնակառավարման մարմինների ընտրությունները եղել են ազատ, արդար և ժողովրդավարական։ Ընտրությունների եւ դրա հետեւանքների մասին առավել մանրամասն, Fnews.am-ը զրուցեց ԱԺ ՀՀԿ խմբակցության պատգամավոր, <Վիրահայերի միասնություն> Հ/Կ-ի համանախագահ Տաճատ Վարդապետյանի հետ, ով նշեց.
-Ուրախությամբ պետք է նշեմ, որ ընտրություններն անցել են հանդարտ, խաղաղ եւ հանդուրժողականության մթնոլորտում, առանց ավելորդ ցնցումներրի եւ բորբոքման:
-Ըստ Ձեզ, հայերի վրա ինչպե՞ս կանդրադառնան ընտրությունների արդյունքները:
-Դա մի փոքր գուշակությունների ժանրից է, բոլոր դեպքերում, այս աննախադեպ խաղաղ մթնոլորտում անցած ընտրություններից հետո, ակնկալվում է, որ այն պետք է իր դրական ազդեցությունն ունենա վիրահայության եւ ջավախահայության վրա: Մնում է նորընտիրները՝ ՏԻՄ ընտրություններում, այդ թվում եւ հայ ազգի ընտրյալները՝ իրենց հետեւողական, կառուցողական աշխատանքով կարողանան բարենպաստ պայմաններ ապահովեն վիրահայության եւ ջավախահայության համար: Իմ ակնկալիքն այդպիսինն է. օգտվելով առիթից շնորհավորում եմ նման բարձր մակարդակով ընտրությունների անցկացման համար:
-Ձեր կարծիքով, Վրաստանի հայերն ի՞նչ գերական խնդիր ունեն, որի լուծումը կարող են ստանալ ընտրությունների արդյունքից ելնելով:
-Մենք բազում խնդիրներ ունենք Ջավախքում, մեկը մյուսից գերակա: Այնպես որ, այդ խնդիրների քարավանը, որքան էլ որ նվազի, այդքան դա կարելի է ձեռքբերում համարել:

Սոսե  Չանդոյան