«Մենք շարունակում ենք պնդել, որ Շուշանիկ Բախշյանը գլխավոր մեղավորն է աղջկաս Մերիի մահվան մեջ»

Քննչական կոմիտեի լրատվական բաժնից Fnews.am-ի թղթակցին տեղեկացրեցին, որ այսօր ծննդկան Մերի Մարգարյանի մահված գործով քննիչին դիմել է հսկողություն իրականացնող դատախազին՝ առաջարկելով քննարկել մեղադրյալ Շուշանիկ Բախշյանին գրավի դիմաց արձակելու դատարանի որոշման դեմ վերաքննիչ բողոք դիմելու հարցը:
«Մենք շարունակում ենք պնդել, որ Շուշանիկ Բախշյանը գլխավոր մեղավորն է աղջկաս Մերիի մահվան մեջ»,-ասաց Մերիի հայրը:

Քննչական կոմիտեից տեղեկանում են, որ բժշկական կենտրոնում ծննդկան Մերի Մարգարյանի մահվան դեպքի առթիվ ՀՀ քննչական կոմիտեի Երևանի քննչական վարչության վարույթում քննվող քրեական գործով հունվարի 30-ին քննիչը միջնորդություն է ներկայացրել դատարան` գործով մեղադրյալ, «Շենգավիթ բժշկական կենտրոն»-ի մանկաբարձ-գինեկոլոգ Շ. Բախշյանի նկատմամբ որպես խափանման միջոց կալանավորումը կիրառելու վերաբերյալ: Կենտրոն և Նորք Մարաշ վարչական շրջանների ընդհանուր իրավասության առաջին ատյանի դատարանը բավարարել է քննիչի միջնորդությունը, բայց նաև բավարարել մեղադրյալի փաստաբանի միջնորդությունը և կիրառել այլընտրանքային խափանման միջոց գրավ:
«Սկզբում ասեցին հիվանդ է հիմա էլ ամեն ինչ լավ է, արդեն դուրս  է գրվել հիվանդանոցից, այս դեպքում թող արդեն իր պատիժը կրի»: Շուշանիկ Բախշյանի փաստաբան Սիրունյանն էլ ասաց. «Արդեն դուրս է գրվել հիվանդանոցից, հիմա ամեն ինչ լավ է: Նախաքննություն է կատարվում թող ամեն իչ պաչզեն, եթե իմ պաշտպանյալը մեղավոր է ապա նա իրեն բաժին հասած պատիժը կկրի»:

Հիշեցնենք, որ հունվարի 30-ին Երևանի Կենտրոն եւ Նորք Մարաշ վարչական շրջանների ընդհանուր իրավասության դատարանը գրավի դիմաց ազատ էր արձակել Շուշանիկ Բախշյանին: