ՄԵՐ ԱՆՎՏԱՆԳՈՒԹՅՈՒՆԸ ԱՊԱՀՈՎՎԱԾ Է. ՍՏԵՓԱՆԱԿԵՐՏԻ ՔԱՂԱՔԱՊԵՏ Iravunk.com

Ի՞նչ իրավիճակ է հետպատերազմյան Ստեփանակերտում, «Իրավունքը» փորձել է հետաքրքրվել Ստեփանակերտի քաղաքապետ ԴԱՎԻԹ ՍԱՐԳՍՅԱՆԻՑ, ով նկատեց.

- Ստեփանակերտում այս պահին ակտիվ շինարարական աշխատանքներ են ընթանում: Նոր բնակարանաշինություն է ընթանում, վնասված շենքերն են վերանորոգվում, դպրոցները, մանկապարտեզները: Գիշեր-ցերեկ շինարարություն է ընթանում:

- Որտե՞ղ եք տեղավորում այն բնակիչներին, ովքեր տեղհանվել են ազերիներին հանձնված բնակավայրերից:

- Տարբեր տեղեր` վարձով, հյուրանոցներում, տարբեր տարածքներում: Գույքի հետ կապված խնդիրներն ենք փոխհատուցում` ինչպես ֆինանսական ճանապարհով, այնպես էլ կոնկրետ գույքի տեսքով:

- Կոմունալ բոլոր խնդիրները լուծվա՞ծ են քաղաքում:

- Այո, ամեն բան լուծված է, ամեն ինչ կամաց-կամաց իր հունի մեջ է մտնում: Դպրոցները, մանկապարտեզները արդեն աշխատում են:

- Կա՞ն ստեփանակերտցիներ, ովքեր հրաժարվել են վերադառնալ:

- Ստեփանակերտցիների 90 տոկոսը վերադարձել է: Ուղղելով մեջքներս` շարունակում ենք շենացնել մեր քաղաքը: Իսկ մի 10 տոկոսն էլ, ովքեր չեն վերադարձել զանգում են, տեղյակ պահում, որ պատրաստվում են վերադառնալ:

- Շա՞տ են ռուս խաղաղապահները քաղաքում:

- Չէի ասի, բայց կան: Մեկ անգամ եւս փաստում է, որ մեր անվտանգությունը ապահովված է:

ԻԼՈՆԱ ԱԶԱՐՅԱՆ

Iravunk.com