Մեր բանակը արժանի հակահարված է հասցրել հակառակորդին

Այսօր, վաղ առավոտյան հակառակորդի հատուկ նշանակության ջոկատի ուժեղացված խումբը հարձակում է ձեռնարկել հյուսիսային (Գյուլիստանի) ուղղությամբ տեղակայված դիրքերի վրա: Շուրջ երկու ժամ տեւած մարտական գործողության արդյունքում դիրքապահ անձնակազմը եւ օգնության հասած ուժերը ստիպել են հակառակորդին մատնվել փախուստի, այնուհետեւ հետապնդելով վերջիններիս, ամբողջությամբ ոչնչացրել են խմբին` իրենց դիրքերի  մատույցներում: Ցավոք, հակառակորդին դիմագրավելու ժամանակ արիաբար զոհվել են ՊԲ զինծառայողներ 19-ամյա Հակոբ Խաչատրյանը, 20-ամյա Էդուարդ Հայրապետյանը եւ ԱրշակՀարությունյանը, Պաշտպանության բանակի եւս 4 զինծառայողներ վիրավորվել են:

ԼՂՀ նախագահ Բակո Սահակյանի մամուլի խոսնակ ԴԱՎԻԹ ԲԱԲԱՅԱՆԸ, Fnews.am-ի հետ զրույցում  անդրադառնալով վերոնշյալին  մասնավորապես  ասաց.

-Սա իրենց գործելաոճն է, ապրելակերպը, Ադրբեջանը ինքնին ահաբեկչական պետություն է եւ այդպիսի քաղաքականություն էլ պետք է իրականացնի, ուստի չենք զարմանում նրանց սադրանքներից:

Բաբայանի խոսքով, հակառակորդի ակտիվացումը հիմնականում կապված է ցեղասպանության 100-ամյակի հետ.

-Նրանց ակտիվացումը կապված է նաեւ ցեղասպանության 100-րդ տարելիցի հետ, նրանք գիտեն, որ կրկին անգամ ամբողջ հայությունը եւ ոչ միայն, հիշելու են այդ մասին: Եվ բնականաբար, ահաբեկիչ պետությունը ցանկանում է այս անգամ եւս այսպես ասած իր "ներդրումը" ունենալ այդ գործում եւ, փաստորեն, շարունակում է իր ոճին համապատասխան` ցեղասպան քաղաքականությունը: Նշեմ, որ մեր բանակը արժանի հակահարված է հասցնում թշնամու ցանկացած սադրանքին: Կոնկրետ այս դեպքում եւս հակահարվածը հասցված է, իրենց կորուստները մի քանի անգամ գերադասում են մեր այսօրվա կորուստներին: Իսկ ինչ վրաբերում այսօրվա` թշնամու գնդակից զոհված երիտասարդներին, ապա, ցավով պետք է ասեմ, որ մեզ համար շատ մեծ ողբերգություն է: Ողջ Արցախը սգում է այդ երիտասարդ` մեր հրեշտակ պահապանների համար: Նրանք, հիրավի մեր եւ համայն հայության պահապան հրեշտակներն էին: Բայց կրկնում եմ. հակառակորդը մի քանի անգամ ավել հակահարված է ստացել, նրանց հատուկ ստորաբաժանումը, որը փորձել է այդ հարձակումը կատարել գրեթե ամբողջությամբ ոչնչացված է:

Սոնա  Ավագյան