Մեր հայրենասիրական կորիզը շատ ամուր է

Երկրապահի կողմից արդեն ավանդույթ դարձած ուխտագնացության շրջանակում ԵԿՄ վարչության նախագահ,գեներալ-լեյտենանտ Մանվել Գրիգորյանը միշտ առանձնակի ուշադրություն է դարձրել զոհված ազատամարտիկների մայրերին և կանանց: Հերոս մարտիկներից ոչ պակաս հերոս էին այն կանայք, ովքեր պատերազմից հետո էլ շարունակում են պատվով ընդունել աստծո կողմից իրենց բաժին հասած ճակատագիրը: Արդի խնդիրների և ազգային ոգու մասին Fnews.am-ը զրուցեց <Զոհված ազատամրտիկների մայրերի և կանաց> կազմակերպության նախագահ՝ Արմանուշ Բակունցի հետ:
-Տիկին Բակունց, ըստ ձեզ ի՞նչ նպատակ է հետապնդում հակառակորդի կողմից այդ լավածության ստեղծումը:
_ Որքան էլ թշնամին փորձի ակտիվանալ, դա նրանց ոչինչ չի տալու, քանի որ հայի ոգին շատ ուժեղ է, և մեկ անգամ չէ որ թուքը առիթ է ունեցել դա տեսնելու: Նրանք վերջերս կատարած այդ դիվերսիոն գործողություններն իրականացնելիս ևս մեկ անգամ համոզվեցին, որ այս երիտասարդ զինվորներն էլ ոչնչով չեն զիջում տարիներ առաջ նրանց ծնկի բերած հերոսներին:
-Պատերազմից հետո ձեր միության կանանց ուսերին էր դրված կարևորագույն առաքելությունը՝ մեծացնել և կրթել հերոսների երեխաներին: Կարողացա՞ք արդյոք ամբողջությամբ լծվել այդ գործին:
-Այո, պատերազմից հետո մենք շատ խնդիրների առաջ կանգնեցինք, վատ տարիներ էին որոնք պիտի հախթահարեինք: Չնայած բազմաթիվ դժվարություններին մեծացրեցինք մեր երեխաներին, և որ ամենակարևորն է, հայրենասիրական ոգով ենք դաստիարակել: Ոչ մի մայր չի ցանկանա կռիվ լինի, մենք ուզում ենք մեր սահմանները ամուր լինեն, էլ պատերազմ չտեսնենք:
-Ինչպիսին է տեսնում վաղվա օրը սահմանին ապրող հայը:
-Ամեն մարդ անկախ այն բանից թե որտեղ է ապրում, պիտի տեսնի Հայստանը հզորացած եւ ուժեղացած: Մենք պետք է վերցնենք հզոր պետությունների փորձը, և օգտագործենք ի նպաստ մեր երկրի:
Ես հավատում եմ որ մենք հասնելու ենք նրան, որ ապրենք իրավական երկրում: Ամենակարևորը՝ որ մեր հայրենասիրական կորիզը շատ ամուր է: Մենք իրավունք չունենք մասնատվելու, մենք պիտի համախմբված լինենք, քանի որ այդպես շատ հզոր ենք, ու այդ դեպքում թուրքը ռիսկ չի անի մոտենալ մեր սահմաններին:

Վարդուհի  Սաֆարյան