Մեր իրական թշնամին մեր տգիտությունն է, որի հետեւանքով պաշտում ենք մեր գաղութային կյանքը

Ասել ու նորից կրկնելու եմԵթե ռուսամոլ հայերը իսկապե՛ս ռուս մշակույթ իմանային, ապա անտարակույս վաղուց ազատագրված կլինեին այդ կայսրությունից ու կամ առիթից կօգտվեին ու Ուկրաինայի ժողովրդի օրինակին հետեւելով՝ առնվազն այսօր ոտքի կկանգնեին: Որովհետեւ ռուս մշակույթը Ալլա Պուգաչեւան ու Վալերի Լեոնտեւը չէ, ռուս շակույթը Սալտիկով-Շչեդրինն է, Լերմոնտովն է, Պաստերնակն է ու Մանդելշտամը, Ախմատովան է ու Նաբոկովը, Բուլգակովն է ու Ցվետաեւան, Գումիլեւն է ու Գորինը, Շենդերովիչն է ու Բիկովը, Դովլաթովն է ու Բրոդսկին...Ու այսպես հարյուրավորներ որ իրականում այնքան էլ շատ չեն, որովհետեւ իսկապես ոգեղեն են, բայց այնքան էլ քիչ չեն, եթե նկատի ունենանք որ Ռուսական կայսրությունը իր ստեղծման պահից եղել է ագրեսիվ ու ընդհանուր առմամբ ոգեղենությունից զուրկ: 
Եթե հայ ռուսամոլները շահագրգիռ լինեին իրենց «փրկիչներին» գոնե այս բարձր ու իրական արժեքներով ճանաչել, ապա անպայման հասկանալու ու անմիջապես հետո էլ նողկալու էին այն երկրից որի գաղութն են ու ստրուկը: Եւ եթե ձեր մեջ դեռեւս մնացել են թեեւ տգետ, բայց գոնե մտածող մարդիկ, ապա իսկույն եւեթ արտագրեք թվարկածս հեղինակների ցուցակն ու սկսեք ճանաչել ռուսաստանը իր վաղ անցյալից մինչեւ այսօր: Ես ձեզ հավատացնում եմ, թե գիտելիքը միայն մեծախոսությունը չէ, այլ բավականին կոնկրետ, շոշափելի գիրքն ու խոսքը: Ու հենց այս մարդկանց խոսքն ըմբռնեք՝ կըմբռնեք նաեւ թե մեր իրական թշնամին մեր տգիտությունն է, որի հետեւանքով պաշտում ենք մեր գաղութային կյանքն ու ոչ մի կերպ դրանից ազատվելու հնար չենք որոնում...
Հ.Գ. Այս ցուցակի հեղինակներին ծայրից ծայր կարդալուց հետո, մեկ ուրիշ ցուցակ կհրապարակեմ արդեն «գարշելի» արեւմտյան մտածողների անուններով: Ասենք՝ Հեգել, Պլատոն, Արիստոտել, Էպիքուր...Նաեւ Դիդրո, Վոլթեր, Ռուսո, Մոլիեր Մարք Թվեն, Ջեկ Լոնդեն (այլ ոչ՝ Դրայզեր) եւ այլն....