Մեզ երկիրը կառուցողներ են պետք, այլ ոչ թե լքողներ.Լարիսա Համբարձումյան.video

Սուրբ Թերեզայի անվան Բժշկական Համալսարանը հիմնադրվել է Երևանում 1992 թվականին Լարիսա Համբարձումյանի կողմից և իր էությամբ առաջինն ու միակն է Հայաստանում: 1996 թ. համալսարանը օրհնանքի նամակ ստացավ Մայր Թերեզայից: Համալսարանի ռեկտոր Լ. Համբարձումյանը հանդիսանում է Քույրական Գիտությունների Միջազգային Օրեմ Կազմակերպության (IOS) անդամ: Այս ուսումնական հաստատության հիմնադրմամբ հիմք դրվեց բարձրակարգ բժշկական աշխատողների, կադրերի պատրաստմանը և ձևավորմանը, որոնց բարոյա-էթիկական գործունեության հիմքն է հանդիսանում գթությունն ու մարդասիրությունը, կարեկցանկը հիվանդ մարդկանց նկատմամբ: Սուրբ Թերեզայի անվան բժշկական համալսարանում, բժշկական կրթության հիմունքներից բացի, ուսանողները ձեռք են բերում հումանիտար գիտելիքներ, գործնական հմտություններ և հոգեբանա-մանկավարժական ունակություններ: Այդ ամենը համալսարանի շրջանավարտներին հնարավորություն է ընձեռում ոչ միայն բարձր արդյունավետությամբ իրականացնել իրենց բժշկական գործունեությունը, այլև զբաղվել բուժմամբ և հիվանդների նկատմամբ հոգածությամբ, հաշմանդամների, միայնակ մայրերի, փոքրիկ երեխաների, ծերերի խնամքով, ովքեր հոգատարության, սիրո, ուշադրության և նրբազգաց վերաբերմունքի կարիքն ունեն:

1995 թ. համալսարանը պայմանագրեր է կնքել Իտալիայի Պադուա քաղաքի բժշկական համալսարանի, Քլիվլենդի բժշկական համալսարանի, Ուլմ քաղաքի բժշկական համալսարանի, Լոնդոնի թագավորական քոլեջի, Հոլանդիայում Ամստերդամի և Ուտրեխտ քաղաքների բժշկական համալսարաների հետ: 1995 թ. համալսարանը մասնակցեց Իտալիայի Պադուա քաղաքում անց կացվող կոնֆերանսին, որը կոչվում էր "Բացելով դռները դեպի տնային քույրական խնամք": 1995 թ.-ից համալսարանը գրանցված է միջազգային առողջապահության կազմակերպության գրասենյակում: 1996 թ. համալսարանը մասնակցեց Ամերիկյան Քույրական Ասսոցիացիայի կոնֆերանսին Վաշինգտոնում: 1997 թ. համալսարանը մտել է Եվրոպական բժշկական շուկա: 2000 թ. համալսարանը մասնակցեց քույրական ինքնախնամքի դեֆիցիտի տեսությանը նվիրված Վեցերորդ Միջազգային կոնֆերանսին Բանգկոկում, Թայլանդ: 2007 թ. համալսարանը Հելսինկի քաղաքում մասնակցել է Եվրոպական 5-րդ տարածաշրջանային ֆորումին և ստացել է դիպլոմ`"Հասարակության ստեղծում գիտության, գիտական տեխնոլոգիաների, ժամանակակից գիտական առաջնահերթությունների հիման վրա": 2007 թ. համալսարանի ռեկտոր Լ. Համբարձումյանին Եվրոպայի Բիզնես Ասամբլեայի կողմից շնորհվել է Սոկրատեսի անվան շքանշան բժշկագիտության հումանիզացիայի բնագավառում` սոցիալական ուղղվածության քաղաքականություն վարելու համար: 2008 թ. համալսարանը մասնակցեց ինքնախնամքի և խնամքի 10րդ Համաշխարհային Կոնգրեսին Բրիտանական Կոլումբիայի Համալսարանում Վանկուվերում, Կանադա: 2008 թ. համալսարանը նույնպես մասնակցել է կրթությանը և աշխատանքին նվիրված մի ցուցահանդեսներին Երևանում, որտեղ ներկայացվել են համալսարանի կրթական ծրագրերը և ընդունելության պայմանները: Համալսարանը պարբերաբար գիտական նյութեր հրապարակում Հայաստանի և ԱՊՀ մի շարք գիտական ամսագրերում, ինչպիսինն են "Արյուն", "Բժշկագիտությունը Հայաստանում" և այլն:

Սուրբ Թերեզայի անվան Բժշկական Համալսարանի գործունեության հաջող կազմակերպման գրավականն են հանդիսանում ԲՈՒՀ-ի ղեկավարության կողմից կիրառվող ծրագրերը, որոնք հաշվի են առնում ոչ միայն մեր հանրապետության ուսումնական հաստատությունների հարուստ փորձը, այլև ամերիկյան, իտալական, հոլանդական և մի շարք այլ երկրների ուսումնական հաստատությունների աշխատանքի կազմակերպման սկզբունքները: Այստեղ ուսանողները հնարավորություն ունեն ստանալու ոչ միայն բուժաշխատողին անհրաժեշտ տեսական գիտելիքներ, այլ նաև ձեռք են բերում գործնական հմտություններ տարբեր բժշկական հաստատություններում:

Առավել մանրամասն` առաջարկվող տեսանյութում: 

Հասմիկ  Գրիգորյան