Մեզ հարկավոր է անկայուն Թուրքիա…

Երբ Անկարայի գլուխը խառը չէ ներքաղաքական ու արտաքին քաղաքական խնդիրներով, օսմանցիները շանս են ունենում հանգիստ ու սառնմասրտորեն զբաղվել Հայաստանով ու հայերով: Անատոլիական քրդերն ապակայունացնում են Թուրքիան` իրենց կամքից անկախ թուլացնելով Ադրբեջանին: Որովհետև կովկասյան թուրքերի միակ դաշնակիցն այս տարածաշրջանում, թերևս նաև աշխարհում` Անկարան է, իսկ այդ իրավիճակը չի կարող չբխել Հայաստանի շահերից:

Մի կողմ թողնելով զգացմունքայնությունը` փաստենք, որ Արևմտյան Հայաստանի տարածքը քրդերի կողմից «եռացնելը» հնարավորություն է ստեղծում, թեկուզ և տեսական, Կարսի մարզի ու Սուրմալուի գավառի ուղղությամբ սահմաններ բարելավելու, Նախիջևանը կովկասյան թուրքերից վերջնականապես դատարկելու համար: Սա, իհարկե, մեծ խաղ է, որտեղ շատ բաղադրիչներ անմիջականորեն կապված են ռուսների, իրանցիների, ամերիկացիների շահերի հետ, վտանգավոր խաղ է, բայց մենք ե՞րբ այս տարածաշրջանում սպառնալիքներ չենք ունեցել, որ հիմա պետք է վախենանք այդ սպառնալիքներից…