Մեզ մոտ մոնոպոլ կառույցները չեն իշխի շուկայում, եթե...

Գյուղատնտեսության ոլորտի 2013 թթ բացթողումների և գալիք տարվա ակնկալիքների մասին այսօր լրագրողների հետ հանդիպման ժամանակ, խոսեց Հայաստանի ագրագյուղացիական միավորման նախագահ Հրաչ Բերբերյանը: Հրաչ Բերբերյանը նշեց,որ 2013-ին շատ է նվազել  մորմազգիների արտադրությունը`հատկապես շատ է նվազել լոլիկի արտադրությունը,ինչպես նաև 40%-ով իջել է սմբուկի և պղպեղի արտադրությունը: «ՀՀ-ն լինելով խորհրդային  միության տոմատի մածուկի արտադրողության 25 % արտադրողը,այսօր Չինաստանից է տոմատի մածուկ ներկրում:Այստեղ և՛ կադրային քաղաքականության խնդիր կա,և՛ թույլ մասնագետների»,-նշեց Հրաչ Բերբերյանը և հավելեց,որ իրենք այս տարի ցեցի դեմ պայքարի համար կառավարությանը ներկայացրել են մոտ 350 միլլիոն դրամի արժեղության ծրագիր,սակայն նախարարությունն առաջարկել է ծրագիրը իջեցնել 20 միլիոնի: «Եթե մենք չպայքարենք ցեցի դեմ,երբեք Արարատյան հարթավայրում բանջարեղենի նորմալ արտադրություն չենք ունենա»,-նկատեց Հրաչ Բերբերյանը: Արարատյան հարթավայրում պակասել են բանջարեղենի համար հատկացված տարածքները: Հրաչ Բերբերյանը նշեց, որ գյուղատնտեսության համար շատ բարենպաստ տարի էր, անցյալ տարվա համեմատ կար կարտոֆիլի ցանկատարածքի պակաս,սակայն կարտոֆիլի համար այս տարի բարենպաստ տարի չի եղել առհասարակ՝ ամբողջ աշխարհում: Հրաչ Բերբերյանի կարծիքով Հայաստանում պետք էլ լինի մրցունակություն, որը կբերի գյուղացի-վերամշակող հավասար վիճակի և կբերի նրան,որ մեզ մոտ առկա մոնոպոլ կառույցները չեն իշխի շուկայում: «Հուսով եմ 2014 թ ավելի բարձր բերք կունենանք,այսօր մենք օգնելու ենք գյուղացուն յուրաքանչյուր հարցում,նեցուկ ենք լինելու ֆերմերներին և խթանելու ենք կարտոֆիլի արտադրությունը, իսկ այս ամենի մեջ շատ կարևոր է մեր իշխանության դիքորոշումը`արդյոք  մենք այդ շուկան հաջորդ տարի կկորցնենք, թե՞ ոչ»,-եզրափակեց Հրաչ Բերբերյանը: Կարինա Սահակյան