Մի օր արքա ես, մի օր արա...

Շրջանառվող լուրերի համաձայն, չի բացառվում, որ մոտ ժամանակներս նախկին ԲՀԿ-ական,  ԱԺ պատգամավոր Մուշեղ Պետոյանը  եւ մի քանի այլ չեւրեւացող նախկին ԲՀԿ-ականներ համալրեն  ՕԵԿ-ի շարքերը։ Իսկ դրա  պատճառները, ըստ տարածված լուրերի, կարող են մի քանիսը լինել.նախ` ՀՀԿ-ն չի ցանկանում, որ այս ժամանակաշրջանում  «երես թեքածները» այս ու այն կողմ ընկնեն, երկրորդ` նրանց մոտիկ չթողնելով ՀՀԿ կուսակցությանը` քաղաքական այդ ուժի վերնախավը շարունակում է «ԲՀԿ-ականներին խելքի բերել»` եւս մեկ անգամ  ապացուցելով, որ ԲՀԿ-ում ինքնամաքրման գործընթացը նոր թափ է ստանում:Եւ երրորդ` վերջնականապես ակնհայտ է դառնում այն հանգամանքը, որ երբեմնի առյուծ կտրած ԲՀԿ-ն ընկնում է  ՕԵԿ-ի ու նրա վերնախավի գիրկը, որին ժամանակին հեգնանքով ու ինչ-որ տեղ էլ արհամարանքով էր վերաբերում: 

Իսկ ինչ վերաբերում է խորհրդարանում մնացած «մի բուռ ԲՀԿ-ին»  ու նրա առաջնորդուհուն, ապա  չի բացառվում, որ նրանք էլ հայտնվեն ՕԵԿ-ի «տեղակալի» դերում, քանի որ այսուհետ դժվար թե հասարակությունը  հավատա ԲՀԿ-ի ընդիմադիր արցունքներին ու աղիողորմ ճառերին, որոնք  վայրկանների ընթացքում կարող են տեղափոխվել  պալատական ճառերի ու կենացների հարթություն: 

Ակամայից հիշեցի հայտնի այն հումորը. որ մի օր արքա ես, մի օր արա...

Նոնա Ադամյան