ՄԻԵԴ վճիռը բացահայտել է զինծառայողի մահվան գործի ողջ կեղծիքը

Lragir.am-ը գրում է .
ՄԻԵԴ վճիռը` բանակում բռնությունների արդյունքում մահացած զինծառայող Սուրեն Մուրադյանի  գործով, բացահայտում է հայաստանյան իրավապահների` քննչական մարմինների, զինվորական դատախազության և դատարանների  կեղծող  կուռ համակարգը, որի դեմ Հայաստանի Հանիապետության քաղաքացին անզոր է:  Այս վճիռը հնարավոր է դարձել զինծառայողի հոր` Հրաչյա Մուրադյանի տարիների տառապալից , անկոտրում ու հետևողական աշխատանքի շնորհիվ, ինչի արդյունքում նրա ձեռք բերած անառարկելի ապացույցները հիմք են հանդիսացել նման որոշման համար:

ՄԻԵԴ վճիռը Սուրեն Մուրադյանի սպանության գործով առավել քան փաստարկված է, բացահայտված է զինվորի մահվան հանգամանքները, գրեթե ամբոջությամբ վերականգնված է զորամասում զինծառայողի նկատմամբ ստեղծված բռնի մթնոլորտի պատկերն ու  դերակատարների մասնակցությունը: Պատկերը սահմռկեցուցիչ է. թե ինչպես կարելի է  զինվորին 10 օրվա ընթացքում սպանել հոգեպես ու ֆիզիկապես և անպատիժ մնալ: Ցավոք սրտի սա միակ գործը չէ:

Բազմաթիվ են բանակում ոչ մարտական պայմաններում զոհված զինծառայողների մահվան դեպքերով հարուցված քրեական գործերը, որոնք քննչական մարմինների կողմից այնպիսի հմտությամբ են աղավաղվում ու կոծկվում, որ մահվան հանգամանքները պարզելը գործնականում գրեթե անհնար է դառնում, իսկ քննության բացերը` աղաղակող փաստերի անտեսումը, լրացվում են դատարանների կողմից:

Հայաստանի իշխանությունները պատասխանատու են Լեռնային Ղարաբաղում զինծառայողի մահվան գործով ոչ արդյունավետ քննության համար, այսպես է վերնագրված ՄԻԵԴ վճիռը:

Մանրամասն ՝ սկզբնաղբյուրում