Մոդել Շուշան Երիցյանը՝ ընկեր ունենալու և տարածված լուսանկարների մասին

Esem.am-ը գրում է .

Օրերս մամուլում տեղեկություն էր տարածվել, որ մոդել, սերիալային դերասանուհի Շուշան Երիցյանը ընկեր ունի: Համացանցում տարածվել էին նաև Շուշանի և ոմն Գևորգ Գևորգյանի միմյանց գրկախառնված լուսանկարները: Բոլորը համոզված էին, որ նրանք ընկերություն են անում: Տարածված լուրերի իսկությունը պարզելու նպատակով ESem.am-ն առաջինը խոսեց Շուշանի հետ և իմացավ ամենը:

Ըստ Շուշանի` լինելով հանրային մարդ, տարբեր միջոցառումների ընթացքում հանդիպում է իր ծանոթներին, ընկերներին, որոնց հետ էլ լուսանկարվում է ու դրանք տեղադրում համացանցում:

«Սակայն այս դեպքում, նկարներ էր հրապարակել իմ լավ ընկերը, ով շատ հարազատ մարդ է ինձ համար»,- ասաց Շուշանը և հավաստիացրեց, որ իր և Գևորգ Գևորգյանի միջև անձնական ոչինչ չկա: «Ընկեր ունենալու դեպքում, անպայման կխոսեմ այդ մասին, հաստատ չեմ թաքցնի այդ փաստը, ինչպես չեմ թաքցրել իմ քթի վիրահատություն անելը: Հայտարարում եմ, որ այժմ սիրտս ազատ է»,-հավելեց սերիալային դերասանուհին:

ESem.am-ի հարցին՝ արդյոք լուսանկարները տարածելը PR քա՞յլ էր, Շուշանը պատասխանեց. «Այդ ամենն արվել է ինտրիգային իրավիճակ ստեղծելու համար: Մենք դա արել ենք մեր ընդհանուր ընկերների ռեակցիան ստուգելու համար: Եթե նկատել եք, դա արվել է միայն Գևորգի էջում, եթե PR-ի համար արված լիներ, իմ էջում էլ կլինեին այդպիսի լուսանկարներ: Մենք նույնիսկ չէինք էլ մտածում, որ մեր անձնական քմահաճույքը կարող է աժիոտաժ առաջացնել: Զարմանալի էր, որ մարդիկ մտել են Գևորգի էջ ու հրապարակել այդ ամենը: Փաստորեն, բոլորը հավատացել էին այդ խաղին, նույնիսկ՝ մեր ընկերները»:

Անդրադառնալով գրկախառնված լուսանկարներին` Շուշանը նշեց, որ իրենք պարզապես գրկախառնված են եղել, սակայն դրանք այնպիսի դիրքից են արվել, որ այլ կերպ են ընկալվել: