Նազենին, Սոֆին, Հրաչուհին, Գոռը եւ շատ այլ հայտնիներ Բերդ քաղաքում (Foto)

Հունիսի 2-ին Հայ օգնության ֆոնդի (ՀՕՖ) Երեխաների աջակցության կենտրոնի «Բարեկամների խորհուրդը» Երեխաների իրավունքների պաշտպանության միջազգային օրվա կապակցությամբ այցելություն ունեցավ ՀՀ Տավուշի մարզի Բերդի տարածաշրջանի համայնքներ, որտեղ իրականացվում է Հայ օգնության ֆոնդի «Աղքատության հաղթահարումը Տավուշի մարզում» ծրագիրը:

Այցի շրջանակներում ՀՕՖ-ի մարզային գրասենյակում հանդիպում ունեցավ Բերդի քաղաքապետ Հարություն Մանուչարյանի եւ Բերդի տարածաշրջանի հոգեւոր հովիվ Տեր Արամ Միրզոյանի հետ՝ հասկանալու համար համայնքի զարգացման տեսանկյունից առաջնային խնդիրները եւ կազամակերպելու հնարավոր անհրաժեշտ աջակցություն:   

«Բարեկամների խորհրդի» Բերդի տարածաշրջան այցի նպատակն էր հանդիպել սահմանամերձ գոտու համայնքներում բնակվող երեխաներին եւ ծնողներին, շնորհավորել նրանց եւ փոխանցել լուսավոր տոնի խորհուրդը: Կենտրոնի «Բարեկամների խորհրդի» նախագահ տիկին Բելլա Քոչարյանի գլխավորությամբ խորհրդի անդամներ Նազենի Հովհաննիսյանը, Սոֆի Մխեյանը, Հրաչուհի Ութմազյանը, Գոռ Գլումովը, Արսեն Գրիգորյանը (Մրո), Ռուբեն Սասունցին հանդիպեցին Բերդ քաղաքի, Չինչին, Չինարի համայնքների շահառու ընտանիքների ծնողների եւ Բերդ քաղաքի երիտասարդների հետ: Համայնքի բնակիչները անմիջական ջերմ մթնոլորտում զրուցեցին, շփվեցին բարեկամների հետ, կիսվեցին դեռահասների եւ երիտասարդների ազատ ժամանցին, հանգստի կազմակերպմանը, հայրենասիրական ոգու բարձրացմանը, սահամամերձ համայքներում մշակութային կյանքի ակտիվացմանը վերբերող իրենց հուզող հարցերով:

Աղբյուր`  http://www.slaq.am/arm/news/1026608/