Նազիկ Ավդալյան. «Փոքրիկիս ծնունդից հետո պարզ կլինի, թե»…

Ծանրամարտի աշխարհի ու Եվրոպայի չեմպիոն Նազիկ Ավդալյանը պատրաստվում է մայր դառնալ. նա նոյեմբերին արու զավակ է լույս աշխարհ բերելու: Երեխայի անունն արդեն որոշված է: Ծնողները նրան անվանակոչելու են Վաչե` Նազիկի ամուսնու` Էրիկի հոր անունով: Բնական է, Նազիկը հիմա ամբողջովին տարված է որդու ծննդյան վերաբերյալ մտորումներով, սակայն մի քանի րոպե ժամանակ տրամադրեց մեզ: Եվ մենք նախ ցանկացանք իմանալ, թե ինչով է զբաղվում ապագա մայրը, ինչպես է նրա ինքնազգացողությունը.

-Հիմա շատ քայլում եմ, ոչ մի բանով չեմ զբաղվում, հիմնականում տանն եմ լինում: Ինքնազգացողությունս լավ է: Ես հիմնականում Երեւանում չեմ մնացել, գնում-գալիս էի, բայց հիմա արդեն գրեթե ամբողջովին տեղափոխվել ենք Երեւան: -Որքա՞ ն ժամանակ է մնացել փոքրիկի ծնունդին: -Համարյա մեկուկես ամիս: -Փոքրիկ Վաչեի համար հագուստ գնե՞ լ եք: -Դեռ չէ, ծնունդից կմնա մի տասը օր, նոր միայն կսկսենք գնել: -Նորածնին մենա՞ կ եք պահելու: -Ոչ, սկսեսուրիս հետ: -Ինչպե՞ ս են հարս-սկեսուր  հարաբերությունները: -Ավանդական  հարս-սկսեսուր  հարաբերություններ չկան… Նորմալ շփվում ենք… -Մարզական իրադարձություններին, հատկապես ծանրամարտիկների ելույթներին հետեւո՞ ւմ եք: -Իհարկե հետեւում եմ, անպայման: -Վանաձորում ցանկանում էիք կանանց ծանրամարտի մարզադպրոց բացել, բայց եթե տեղափոխվում եք Երեւան, բնականաբար, այդ հարցը դուրս է՞  գալիս: -Չէ, Վանաձորում չի  ստացվում,  հաստատ չի լինի: Դեռ տեսնենք` այդ հարցը ինչպես կլուծվի: Նախապես ոչինչ չեմ ուզում ասել, ավելի ճիշտ` չեմ կարող ասել: -Հռիփսիմե Խուրշուդյանը ցանկանում է շարունակել մարզական կարիերան, ավելին` չեմպիոն դառնալ: Իսկ Դուք նման մտադրություն ունե՞ ք: Ողնաշարի վնասվածքը դեռ իրեն զգացնել տալի՞ ս է: -Ես շատ եմ ցանկանում շարունակել մարզական կարիերաս, բայց դեռ 100 տոկոսով ոչ մի բան չեմ կարող ասել, որովհետեւ փոքրիկի ծնունդից հետո պարզ կլինի` կկարողանա՞ մ պարապել, թե՞  ոչ:

 Զրույցը` Ռ. ԹԱԹՈՅԱՆԻ