Նելլին ամուսնու պատճառով է նման քայլի գնացել, որդիները նրան կհասկանան ու նրա այդ քայլը կընդունեն

Ոսկու շուկայի անհայտ կորած աշխատակից նելլի Հարությունյանը երկուշաբթի օրվանից արդեն անցնելու է աշխատանքի,- այս մասին Fnews.am-ի հետ զրույցում ասաց Ոսկու շուկայի աշխատակից Շողիկը:
«Կարևորն այն է, որ վերադառնում է իր սովորական կյանքին, մեզ այսօր արդեն այդքան էլ չի հետաքրքրում, թե ինչն է պատաճառը եղել, որ նա այդ քայլին է դիմել»,-ասաց տիկին Շողիկը: Նա ասաց, որ իրենք ի սկզբանե մտածել են, որ նրան առևանգել են, սպանել են և մոտից գումարը ու ոսկեղենը գողացել. «Այն, որ ոսկու շուկայի աշխատակիցը պետք է շատ զգույշ լինի դա պարզ է, մենք մտածում էինք, որ ոսկեղենը գողանալու համար Նելլիին գողացած և սպանած կլինեն, այնինչ Նելլին իր ամուսնու հետ է խնդիրներ ունեցել և նման քայլի  դիմել»: Տիկին Շողիկը տեղեկացրեց, որ Նելլին աշխատելու է իր նախկին տեղում. «Իր սեղանիկը այդպես էլ չհանձնեցին, այդքան ժամանակ ամուսինը պարտաճանաչ սեղանիկի համար վճարել է, այնպես որ Նելլին իր նույն տեղում է լինելու»,-ասաց տիկինը: անհետացման հետ կապված ոսկու շուկայում հետևյալն են խոսում. «Ամուսնու պատճառով է աղջիկը այդ քայլին դիմել, ասում են պարտքեր է ունեցել, պետք է տաներ գումարը ամուսնուն տար, որ այդ պարտքերը վճարեր, բայց այլ որոշում է կայացրել, գումարը վերցրել է ու գնացել»:
Ավելի վաղ տեղեկացրել էինք, որ 2015թ. օգոստոսի 21-ին Ն.Հարությունյանի ամուսինը՝ Ա.Հարությունյանը, գրավոր հաղորդում է տվել, որ կինը նույն օրը՝ ժամը 17:00-ի սահմաններում, դուրս է եկել Երևան քաղաքի Խորենացի 24 հասցեում գործող «Վաղարշ և որդիներ կոնցեռն» ՍՊ ընկերության ոսկու տոնավաճառից, որից հետո նրանից որևէ տեղեկություն չկա: Դեպքի առթիվ Երևան քաղաքի քննչական վարչության Կենտրոն և Նորք-Մարաշ վարչական շրջանների քննչական բաժնում հարուցվել է քրեական գործ՝ ՀՀ քրեական օրենսգրքի 110-րդ հոդվածի 1-ին մասով (Ինքասպանության հասցնելը):Միաժամանակ պարզվել է, որ վերջինս, 2015թ. փետրվար ամսից սկսած, վաճառքից հետո գումարները վճարելու պայմանով ոսկյա զարդեր է ձեռք բերել, որի դիմաց դեռևս ունի գումարային պարտավորություններ:
Նոյեմբերի 2-ին Ն.Հարությունյանը ներկայացել է ՀՀ ոստիկանության Կենտրոնական բաժին, ապա` նախաքննական մարմին:Ն.Հարությունյանը որպես վկա հարցաքննվել է և հայտնել է, որ ընտանիքում ստեղծված իրավիճակի պատճառով որոշել է խզել ամուսնու հետ ունեցած կապերը և 2015թ. օգոսոտոսի 21-ին՝ աշխատանքն ավարտելուց հետո, պատահական տաքսի ավտոմեքենայով մեկնել է Լեռնային Ղարաբաղի Հանրապետություն և մինչև 2015թ. նոյեմբերի 02-ը բնակվել գյուղերից մեկում՝ չհայտնելով կոնկրետ որ գյուղում է մնացել: 

Նելլի հարությունյանի ամուսնու  բարեկամուհին էլ, Fnews.am-ի հետ զրույցում ասաց, որ Նելլին ամունսու հետ հետ չի ապրում. «Չգիտեմ ամուսիններով ինչ են որոշել, բայց ըստ երևույթին կբաժանվեն,  ինձ թվում է՝դա է  ճիշտ տարբերակը:  Նելլին ամուսնու պատճառով է նման քայլի գնացել, որդիները նրան կհասկանան ու նրա այդ քայլը  կընդուեն»,-ասաց բարեկամուհին: