Նոր գործիք` էկոլոգիական փորձագետների ձեռքում

Մետաղական հանքեր, ծանր մետաղներով աղտոտված հողեր, արտադրական թափոններով աղտոտված գետեր... Այս բոլոր ռիսկերի վերաբերյալ փորձագետները մշակել են էկոլոգիական ռիսկերի վերլուծության ինտերակտիվ մոդելը: Այս մոդելն իրենից ներկայացնում է մի գործիք, որը թույլ է տալիս տեսնել, թե Հայաստանի աշխարհագրական կոնկրետ տարածքը որքանով է աղտոտված: Այս մասին այսօր լրագրողների հետ հանդիպման ժամանակ տեղեկացրեց «Էկոլուր» տեղեկատվական ՀԿ-ի նախագահ Ինգա Զարաֆյանը եւ հավելեց, որ իրենք շատ պարզ բան են արել. Երեւանի 12 շրջանից միայն երկուսն են կանաչ, մեկը դեղին, իսկ մնացածն աղետալի վիճակում են: «Օրինակ Ավանը համարվում է մաքուր շրջան, բայց երբ նայում ենք տեսնում ենք, որ այդտեղ էլ է աղտոտված: Կա ստանդարտ, բայց ռեալ թիվ չկա, իսկ մեզ մոտ կա ստանդարտ եւ նշված է, օրինակ թե որքանով է աղտոտված: Մենք վերցրել ենք նաեւ տարբեր պրոեկնտեր, հիմնականում ՀԷԿ-երն են ու հանքերը: Այստեղ նշված է, որ այսքան հումք պետք է հանեմ, այսքան ջուր, այսքան հոսք է լինելու: Մեր գործը հենց այդ թվերն են, որոնք պաշտոնականում չկան: Նանք տարբեր տեղերում են, իսկ մենք մեր կայքում ընդհանրացնում ենք»,- ասաց Ինգա Զարաֆյանը: Նրա խոսքով` Երեւանում հիմնականում հանքերն են փոշու աղբյուր եւ Երիտասարդական պալատը, որը քանդվելուց հետո այդպես էլ չի կառուցվել: Զարաֆյանի ներկայացրած պաշտոնական տվյալների համաձայն Ալավերդու շրջանը բարելավվում է, որտեղից ծխնելույզն արդեն տարել են անտառ, իհարկե սա այդքան էլ լավ չէ:

Զառա ՂԱԶԱՐՅԱՆ