Նոր մանրամասներ՝քրեական հեղինակություն «Քանաքեռցի Տույի», «Բոքս»-ի, Ա. Բորյանի սպանության գործով

Քրեական հեղինակութուն «Քանաքեռցի Տույի»՝ Արթուր Ղազարյանի և «Տյուշի»՝ ԱԺ նախկին պատգամավոր Արտուշ Սիմոնյանի և ևս երկու հեղինակությունների՝ Արթուր Բորյանի, ու Արայիկ Խաչատրյանի աղմկահարույց սպանությունների գործով Արտուշ Սիմոնյանի որդին՝ Հովհաննես Սիմոնյանը, ամիսներ առաջ կրկին կալանավորվել էր՝ Վերաքննիչ քրեական դատարանի որոշմամբ։

Սակայն, մեզ հասած տեղեկությունների համաձայն, նախօրեին մուրճի մեկ հարվածով, դատարանը կրկին անգամ որոշում է կայացրել Տյուշի որդիներից՝ Հովհաննես Սիմոնյանի նկատմամբ ընտրված խափանման միջոց կալանավորումն այլընտրանքային խափանման միջոցով փոխարինելու մասին և Սիմոնյանի նկատմամբ որպես խափանման միջոց կիրառելու 50 մլն դրամի գրավը , տնային կալանքը և բացակայելու արգելքը։

Նշենք նաեւ, որ գործն այժմ գտնվում է ապացույցների հետազոտման փուլում, գործով արդեն հարցաքննվել են տուժողը, եւ երեք վկա։
Հիշեցնենք, որ 2021 թվականի նոյեմբերի 11-ի գիշերը նախկին պատգամավոր Արտուշ Սիմոնյանի՝ Քանաքեռի 16-րդ փողոցի թիվ 16 տան բակում հնչած փոխհրաձգությունների հետևանքով տեղում սպանվել էին հայտնի քրեական հեղինակություն 43-ամյա Արթուր Ղազարյանը՝ Քանաքեռցի Տույը, 37-ամյա Արայիկ Խաչատրյանը՝առավել հայտնի Բոքս մականունոնվ, 38-ամյա Արթուր Բորյանը՝կվաս մականունով, այդ թվում նաեւ 61-ամյա նախկին պատգամավոր Արտուշ Սիմոնյանը, ով գիտակցության չգալով, մահացել էր հիվանդանոցում։
Ոստիկանությունը հայտնել էր, որ դեպքի վայրի զննությամբ հայտնաբերվել էր 45 պարկուճ և գնդակ, 4 ատրճանակ, 2 ինքնաձիգ՝ փամփուշտներով։ Դեպքի առթիվ հարուցվել էր քրեական գործ՝ ՀՀ քրեական օրենսգրքի 104-րդ հոդվածի 2-րդ մասի 1-ին և 6-րդ կետերի և 235-րդ հոդվածի 1-ին մասի հատկանիշներով՝ շատերի կյանքի համար վտանգավոր եղանակով երկու և ավելի անձանց սպանության և ապօրինի կերպով զենք պահելու համար։
Թե ինչն էր եղել այս այունալի ու ողբերգական ռազբորկայի պատճառը, մինչ օրս ամենատարբեր շրջանակներում շարունակվում են քննարկվել ամենատարբեր վարկածներն ու սցենարները, չնայած նրան որ քր. գործի հետքերով մանրազնին գնալու դեպքում, թերեւս անհնարինի ժանրից չէ իրականում ջրի երես հանելու , թե որտեղ է եղել թաղված շան գլուխը՝ աղմկահարույց այս սպանությունների մեջ:

Հիշեցնենք նաեւ, որ վարույթն իրականացնող մարմինը այս գործում որպես մեղադրյալ է ներգրավել նաև մահացած Արտուշ Սիմոնյանին ուստի, իր մասով ևս գործն ուղարկվել է դատարան։

Ըստ մեղադրանքի՝ նա, որդիների՝ Վլադիմիր, Հովհաննես, Հակոբ Սիմոնյանների, մտերիմներ Արսեն Ալեքսանյանի և Տիգրան Հարությունյանի հետ, նախնական համաձայնության գալով խմբի կազմում, Արթուր Հայկի Ղազարյանին, Արայիկ Բորիսի Խաչատրյանին, Արթուր Աշոտի Բորյանին, Գևորգ Արթուրի Ջաբուրյանին և Գեղամ Արտուշի Ղազարյանին սպանելու՝ ապօրինաբար կյանքից զրկելու ուղղակի դիտավորությամբ, 2021 թվականի նոյեմբերի 11-ի գիշերը ժամը երկուսնանաց 30-ի սահմաններում, Երևան քաղաքի Քանաքեռ 16-րդ փողոցի 16 Ա տան բակում, վերջիններիս հետ տեղի ունեցած վիճաբանության ժամանակ նախապես ապօրինի կերպով ձեռք բերված և իրենց մոտ ապօրինի կերպով պահվող հրազեններով, փոխլրացնելով միմյանց գործողությունները՝ ատրճանակներով կրակել և ապօրինաբար կյանքից զրկել են Արթուր Ղազարյանին, Արայիկ Խաչատրյանին և Արթուր Բորյանին, իսկ Գեղամ Ղազարյանին և Գևորգ Ջաբուրյանին պատճառել են հրազենային վնասվածքներ և վերջիններիս սպանությունն ավարտին չեն հասցրել իրենց կամքից անկախ՝ Գ.Ղազարյանի և Գ.Ջաբուրյանի փախուստի դիմելու հանգամանքով պայմանավորված:
Այն որ աղմկահարույց այս սպանության գործի շուրջ «օղակը» գնալով սեղմվում է, կարծում եմ շատերի համար այն գաղտնքի չէ, քանզի առանցքային դերակատարաներից մեկը թավիշ կտրած Հայաստանում դժվար թե վայելեր ազատության շունչը՝թեկուզ տնային կալանաքի պայմաններում:

Ի դեպ, այս սպանությունների մասով, հանրությանը հասանելի տեսանյութերը ուսումնասիրելուց հետո, քրեական աշխարհի տարբեր շրջանականերից մինչ այսօր էլ գալիս են ազդակներ այն մասին, որ ըստ իրենց տպավորությունների եթե իրականում հայտնի հեղինակությունն ու նրա ընկերները «ռազբորկային» տրամադրություններով այցելեին որոգայթի տակ մնացած Սիոմյաններին, եւ եթե իրականում նրանք կենաց-մահու կռիվ ունենային Սիմոնյանների դեմ, ապա հանդիպման վայր կգնային ինչպես քրեական աշխարհում է ընդունված ասել «ստրախովկաներով», ու կազմ-պատրաստ, ու «պերեստրելկայի» վայր էլ՝ որպես այդպիսին հաստատ չէին ընտրի այն օջախը, ուր հաց են կիսել…

Շարունակելի