«Նորթ» Անդրանիկը փորձեց պատասխանել իրեն քննադատողներին

Վեստ Սարգսին եկել է փոխարինելու ՆՈՐԹ Անդրանիկը։ Ռուսաստանի Ռազմավարական զարգացման ինստիտուտի տնօրեն Անդրանիկ Նիկողոսյանի ստրկամիտ և նողկալի առաջարկին չեմ անդրադառնա։ Միայն կասեմ, որ իրեն շատ ՄԵԾ բան երևակայող սույն ՌՈՒՍԱՄՈԼ գործիչը առաջարկել էր ՀՀ քաղաքացիներին հանրաքվեի միջոցով ՄՏՆԵԼ Ռուսաստանի կազմի մեջ, եթե դա ցանկանա պաշտոնական Մոսկվան։ Պարզվում է, որ մենք նույնիսկ պետք է խնդրենք Ռուսաստանին, որ ՄԱՐԶԻ կարգավիճակով մտնենք նրա կազմի մեջ։ Շատ խիստ «քննադատության» ենթարկվելուց հետո Ա.Նիկողոսյանը որոշել է ԲԱՑԱՀԱՅՏԵԼ, թե ինչու է այդպիսի ստրկամիտ առաջարկ արել։ Ու ամենակարևոր բացահայտումն այն է, որ Ռուսաստանի կազմի մեջ մտնելուց հետո մենք ԱՆՎՏԱՆԳ կլինենք և «Իսլամական Պետությունը» չի սպառնալու մեզ։ Իրեն շատ ՄԻԱՄԻՏ ձևացնող Ա.Նիկողոսյանի կարծիքով այս խմբավորման ԴԵՄ անզոր են նույնիսկ «Աշխարհի մեծերը»։ «Անտեղյակ» ստրատեգին հիշեցնեմ, որ այդ ահաբեկչական խմբավորման հիմնադիրները այդ նույն «Աշխարհի մեծերից» մի քանիսն են և նրանց սատելիտներ՝ Թուրքիան, Սաուդյան Արաբիան, Քաթարը և ևս մի քանիսը։ Ու, եթե նրանք որոշեն, որ ՀՀ-ն էլ պետք է հարձակման ենթարկվի այդ ահաբեկչական խմբավորման կողմից, ապա բացարձակ չեն հարցնի պաշտոնական Մոսկվայի կարծիքը, եթե նույնիսկ Հայաստանը լիներ Ռուսաստանի մաս։ Նույն «Աշխարհի մեծերից» մի քանիսի հովանավորությամբ ավելի փոքր տրամաչափի ահաբեկչական խմբավորումներ են գործում ՌԴ-ի, իսկ կոնկրետ Հյուսիսային Կովկասի հանրապետություններում և ՄԵԾ գլխացավանք են ՌԴ իշխանությունների համար։ Ու Մոսկվան չի կարող լիովին ապահովել այդ հանրապետությունների բնակչության ԱՆՎՏԱՆԳՈՒԹՅՈՒՆԸ։ Ըստ Ա.Նիկողոսյանի, եթե ՀՀ-ն չդառնա ռուսական «գուբեռնյա», ապա ՌԴ-ն կարող է ամբողջ թափով չպաշտպանել իր ռազմավակական դաշնակցին։ Այո, կարող է։ Բայց պաշտոնական Մոսկվան շատ լավ գիտի, որ ՀՀ-ից հետո իր հերթն է գալու։ Ընդհակառակը, դառնալով ՌԴ մարզ, մենք ՄԵՐ ԴԵՄ կտրամադրենք այդ ՀԶՈՐ ՈՒԺԵՐԻՆ, որոնք արդեն հաշվի չեն էլ առնի հեռավոր սփյուռքի մեր հայրենակիցների կարծիքը։ Իմ կարծիքով, այն, որ ՀՀ տարածքում կան ՌԴ զորքեր, լիովին բավարար է, որ ՀՀ և ՌԴ շահերը պաշտպանվի։ Հետո սույն ստրատեգոսը վերհիշում է Զ.Բալայանի տխրահռչակ նամակը Վ.Պուտինին, որտեղ վերջինս առաջարկում է Արցախը դարձնել ՌԴ մաս։ Ա.Նիկողոսյանը գտնում է, որ հենց ԱՅՍ նամակն էր, որ փրկեց Արցախը և ազերիները հասկացան, որ «Ղարաբաղը կանցնի անգամ ՌԴ-ին, բայց Ադրբեջանին՝ երբե՛ք»։ Ավելի լավ կլիներ, որ Զ.Բալայանը և դուք նամակ գրեիք Վ.Պուտինին և առանց նվաստանալու հարցնեիք, թե ինչու է ՀՀ ռազմավարական գործընկերը 5 միլարդ դոլլարի զենք վաճառում Ադրբեջանին, ով տարածաշրջանում վարում է ՀԱԿԱՌՈՒՍԱԿԱՆ քաղաքականություն։ Սույն անձը բացարձակ չգիտի պատմություն։ Մենք մի անգամ լիովին տրամադրեցինք Արցախի խնդրի լուծնամ գործընթացը ռուսներին, որի հետևանքով այն 1921 թ-ին հայտնվեց Ադրբեջանի կազմում։ Չնայած ասեմ, որ, երբ ռուսներին այս փաստը հիշեցնում ես, ապա ստանում ես հետևյալ պատասխանը. «Դա արել են կոմունիստները»։ Երևի Մոսկվայում նստած և կարմիր աստառով ռուսական նախկին կայսրությունը ղեկավարողները պարսիկ էին կամ հնդիկ։

Սակայն ամենահետաքրքիրը մեզ սպասում է հետո, երբ մոսկովյան այս պնակալեզը հայտարարում է. «Չմոռանանք, որ 2013թ. սեպտեմբերի 3-ին Հայաստանի իշխանություններն են ցանկություն հայտնել մտնել Մաքսային միություն»։ Պարզվում է, որ խեղճ Անդրանիկը չգիտի, թե դա ինչպես է եղել։ Եվ ինչպես ՄԵԿ օրում ՀՀ իշխանությունները որոշեցին դառնալ այդ` դեռ մինչև հիմա ՉԿԱՅԱՑԱԾ միության անդամ։

Հ.Գ. Ավելի լավ կլիներ, եթե այս անձը ընդհարապես լռեր։ «Ճղճղան հայրենասերները» շատ լավ գիտեն, թե դու ՈՎ ես և ինչ ես քեզանից ներկայացնում։ Որ դու այդքան ՉԿԱՍ, որ որևէ որոշման ընդունման մեջ ներկա լինես, որ մատդ էլ խառը լինի։ Իրեն քննադատողներին այս անտրամաբանական, տգետ և հիմար պատասխանով Ա.Նիկողոսյանն ապացուցեց, որ խնդիր ունի պաշտոնի «բարձրացման» հետ և ինչպես ինքն է ասում. «Ափսոսում եմ, որ ստիպված եղա ինչ որ քայլեր բացահայտել, բայց եթե իմ հայրենակիցներն ավելի լավ կանխարգելիչ քայլեր ունեն՝ մեր երկրի անվտանգությունն ապահովելու համար, լավ կլինի հիմիկվանից անեն, քանի որ վտանգն ամեն քայլափոխի կարող է հասնել մեր երկրի սահմաններին»։

Մենք այդ կանխարգելիչ քայլը արել ենք հինգ տարի առաջ։ Ըդնամենը նորագույն պատմություն սովորի, որ իմանաս 2010 թ-ին ՌԴ նախագահ Դ.Մեդվեդևի և ՀՀ նախագահ Ս.Սարգսյանի միջև ստորագրված համաձայնագիրը 102-րդ ռուսական ռազմաբազայի վերաբերյալ ու նրա կարևորագույն դրույթները։ Շատ հետաքրքիր է։ Ըստ Ա.Նիկողոսյանի` ինչու՞ ենք մենք պահում մեր տարածքում ռուսական ռազմաբազան (բազայի ծախսերի 50% հոգում է ՀՀ-ն)։ Այ, երբ սա ՍՈՎՈՐԵՍ, էլ այսպիսի ԱՊՈՒՇ և ՀԱԿԱՊԵՏԱԿԱՆ հայտարարություններով հանդես չես գա և չես սերմանի հակառուսական տրամադրություններ մեր հայրենիքում։ Մոսկվան շատ արագ պետք է ձերբազատվի Ա.Նիկողոսյանի նմաններից։ Այս տիպի ստրկամիտները մեծ վնաս են հասցնում հայ-ռուսական հարաբերություններին, քան Արևմուտքի և ԱՄՆ-ի կողմից հովանավորվող ՀԿ-ները կամ քաղաքական գործիչները։

Ե՞րբ է վերջապես ՄԵԶ համար առաջնայինը լինելու ՀԱՅԱՄԵՏ լինելը և հետո նոր ռուսամետն ու արևմտամետը...

Գագիկ Համբարյան՝ ֆեյսբուք