Ո՞ւր է հասնում Ավետիսյանների ընտանիքի սպանության գործը

Դատական նիստի ավարտից հետո Ավետիսյանների հարազատներն իրենց դժգոհությունը հայտնեիցն առաջին դատական նիստի հետ կապված:

Ավետիսյաննեի հարզատներից Ռուզան Պետորսյանը, ով Ռուսաստանց է եկել դատական նիստին մասնակցելու, Fnews.am-ի հետ զրույցում  իր դժգոհությունը հայտնեց հաջորդ դատական նիստի հետ կապված.«Հիմա էլ մեկ ամիս էլի հետաձգում են, էդպես հեշտ է գնալ-գալը: Մեր մասին ընդհանրապես չեն մտածում»,- բողոքեց Պետրոսյանը: Խոսելով ողջ դատական գործընթացի մասին` նա ասաց. «Տեղի ունեցավ էն, որ ոչ-ոք չուզեցավ մեր պաշտպանների միջնորդությունները լսել, ինչը մեզ հետաքրքրում էր մենք դրա պատասխանը չստացանք: Բացի դա էլ, մեր պաշտպանների համար պայմաններ չկան: Շատ վատ էր փաստաբանների ներկայացրած միջնորդությունները.դատավորը պատասխան չտվեց:

Ավետիսյանների պաշտպաններն էլ դատական նիստից հետո դժգոհեցին դատարանի պայմաններից: Պաշտպաններից՝ Երեմ Սարգսյանը չբացառեց, որ իրենք միջնորդություն կներկայացնեն, որ դատը անցկացվի Շիրակի մարզի ընդհանուր իրավասության դատարանում:
«Սրան զուգահեռ մենք պետք է այնպես անենք, որ անհարկի պատճառներով դատական նիստերը չհետաձգվեն: Մենք կարող ենք յուրաքանչյյուր նիստին այսպես անել, բայց դատարանը պարտավոր է ողջամիտ հարմարավետ պայմաններ ստեղծել»:
Սարգսյանն ասաց, որ իրենք ամեն ինչ անելու են, որ Պերմյակովի իրավունքները պաշտպանվեն: «Ինքներս ամեն ինչ անելու ենք, որ նրա իրավուքնները չխախտվեն»,-ասաց պաշտպանը` հավելելով, որ հաջորդ դատական նիստին մի շարք միջնորդություններով հանդես կգան: Պաշտպաններից Լուսինե Սահկայնն էլ նշեց, որ առաջին դատական նիստից եկել են այն եզրակացությանը, որ դատավորը անկախ չէր:
«Դատավորի անկախությունը բացակայում էր, զգացվում էր ռուսական կողմի շունչը, ինքնուրույն որոշում չէր կարողանում կայացնել: Մենք հետևողական ենք լինելու, որ գործը քննվի, ՀՀ դատարանում և այնտեղ որոշողները մենք ենք լինելու, ոչ թե ռուսները»:
Հիշեցնենք, որ այսօր տեղի ունեցավ առաջին դատական նիստը, որը հետաձգվեց մինչև հունվարի 18-ը: