Ոչ մեկին մի "մեղադրեք" ձեր անհաջողությունների համար... դուք եք ձեր կյանքի ճարտարապետն ու շինարարը...

Կյանքում շա՛տ բաներ եմ ձեռք բերել, շատ էլ կորցրել եմ... ու դա ինձ չի ցավեցրել...
երբեք չի մտահոգել... գուցե ապրածս տարիներն իրենց "մեծ դրոշմն" են թողել իմ տեսակ մարդու վրա...
Մի բան ինձ համար հստակ, պարզ ու հասկանալի է...
Երբեք ոչ մի մտերիմ ու ընկերոջ, հարազատի ու բարեկամի չեմ ընդունել ոչ ունևորության և ոչ էլ չունևորության տեսանկյունից... առավել ևս նրանց չեմ վանել... երբեք նրանց "վզին չեմ փաթաթել" իմ կարծիքն ու "ստիպել" հրաժարվել իրենց տեսակետից... Լուռ ու հարգալից լսել եմ նրանց կարծիքը, բայց երբեք չեմ փորձել նրանց "համոզել" ընդունել իմ կարծիքի բացարձակ ճշմարտացիությունը...
Ինքս չլինելով կամ ինձ չհամարելով քաղաքական գործիչ (իմ տեսակ մարդը պետք է ասի այն, ինչ մտածում է) որևէ պարագայում չեմ հրաժարվել այն մարդկանցից, ում համարել եմ ընկեր և մտերիմ... իսկ եթե ինչ֊որ մեկն ինձ հետ "թշնամացել" ու հեռացել է, ապա դա իր որոշումն է...
Իմ կարծիքը կարող է լինել հախուռն, ոգևորող, անգամ բացառված չէ, որ լինի "սխալ", բայց այն երբեք չի կարող լինել քողարկված կամ անձնական շահ հետապնդող...
Մի անգամ ասել եմ, գուցե կրկնեմ... ես ապրում եմ կյանքը, ամեն վայրկյանն ինձ համար թանկ է... Ես գրեթե ժամանակ չունեմ որևէ մեկի հետ "թշնամանալու"... ինձ համար թանկ են բոլորը... այո', թանկ են այն մարդիկ, ում ես կարող եմ սիրով և ջերմությամբ ասել' Բարի լույս... Եղեք ու մնացեք ջերմությամբ... ոչ մեկին մի "մեղադրեք" ձեր անհաջողությունների համար... դուք եք ձեր կյանքի ճարտարապետն ու շինարարը...

ԱՐՄԵՆ ԴԱՆԻԵԼՅԱՆ