«ՕԾՎԱԾ ՎՃԻՌՆԵՐ»

Շարունակելով «ՕԾՎԱԾ ՎՃԻՌՆԵՐ» հոդվածների շարքը՝«ԱԼԳԱ» իրավաբանական ընկերությունը իր ֆեյսբուքյան էջում տեղադրել է հեևյալ գրառումը.

«Աստծո Գործերն Անքննելի են »

Ինչպես նշել էինք նախորդ նյութում, Արաբկիր և Քանաքեռ Զեյթուն վարչական շրջանների առաջին ատյանի դատարանում,«բարեպաշտ» Արթուր Մկրտչյանի նախագահությամբ սկսվում է «հերետիկոս,եկեղեցուց հեռացված» Հարություն Դրիգոյի դատավարությունը:
Մեղադրող դատախազը նախоրոք աղոթելով և հայացքը դեպի երկինք ուղղած,որ Աստված մի արասցե,հանկարծ մի սխալ բան չանի և Տիրոջը չզայրացնի, սկսեց ընթերցել արդեն իսկ մկրտություն ստացած մեղադրական եզրակացությունը:
Պարզվեց,որ նախաքննությունը Տիրոջ կամոք և օրհնությամբ ,որոշել է`

Դրվագ առաջին.
որ Կարեն Ավետյանի ազգականը ցանկացել է գնել տարաժամկետ վճարումով ավտոմեքենա,վճարել է կանխավճար արժեքի 30 տոկոսի չափով ,սակայն մնացած գումարը չի տվել ,բայց պահանջել է Հ.Դրիգոյից անվանափոխել ավտոմեքենան իր անունով , իսկ հերետիկոս վաճառողը,հավանաբար չգիտակցելով,որ գնորդը աստվածավախ է և եկեղեցու հովանու տակ է , հրաժարվել այն անվանափոխել՝պահանջելով ամբողջ գումարը և նոր դրանից հետո անվանափոխել:
Աշխարհիկ կյանքում ցանկացած իրավաբան զարմացած կբարձրացնի ուսերը և կասի հետո՞ ,բա՞ն եք գտել գրելու,որտե՞ղ տեսաք հանցակազմ և ճիշտ կլինեն ,բայց աշխարհիկ կյանքում,իսկ մենք գործ ունենք օրհնված մեղադրանքի հետ,իսկ այստեղ միակ օրենքը որ աշխատում է ,դա «Աստծո Գործերն Անքննելի են »,և օրենքի միակ կետով հիմնավորված համարվեց ,որ վաճառողը՝տվյալ դեպքում «հերետիկոս Դրիգոն» կատարել է խարդախություն:

Դրվագ երկրորդ
Ընդհանրապես եկեղեցու պատերը պետք է ջերմանան հավատացյալ ժողովրդի աղոթքներով և սիրով առ Աստված:Սակայն ըստ օրհնյալ մեղադրանքի,ակադեմիկոս Կարեն Ավետյանը,որոշում է ինքը ՝միայնակ,օգտագործելով եկեղեցու կողմից մերժված նանոտեխնոլոգիաները ջեռուցել Գանձասարի եկեղեցին,աշխարհիկ բառերով ասած,«ԲԱՔՍԻ» քաշել,հավանաբար վստահ լինելով,որ «ԲԱՔՍԻ» ի տված ջերմությունը կփոխարինի աղոթքների ջերմությանը և Տերը կների իր աշխարհիկ մեղքերը:Եվ այդ «սուրբ» միջոցառման իրականացման համար տալիս է Հ.Դրիգոյին 2.000.000 ՀՀ դրամ:Հ.Դրիգոն էլ այդ գումարը ,որպես իրական աթեիստ և «հերետիկոս » յուրացնում է:
Ավելացնենք նաև,որ այդ ոչ հեռավոր ժամանակներում, 2.000.000 ՀՀ դրամով կարելի էր «ԲԱՔՍԻ» տեղադրել երեք սենյականոց բնակարանում,թե ինչպես այդ գումարով Հ.Դրիգոն պետք է ջեռուցում տեղադրեր Գանձացարի պես ահռելի կառույցում, անհասկանալի է.երևի նորից գործել է այս քրեական գործի միակ իրավանորմը՝«Աստծո Գործերն Անքննելի են»:
Ինչևէ,զարմանալին այն է,որ այս գործով ,փորձ է արվում ,որպես տուժող ներկայացնել ,ոչ ավել ոչ պակաս Գանձասարի եկեղեցին:

Դրվագ երրորդ`
Պարզվում է,որ Կարեն Ավետյանը որոշում է բնակարան գնել Ամիրյան փողոցում,Հ.Դրիգոյի հետ տեսնում է բնակարանը,վճարում կանխավճար 15.000 ԱՄՆ դոլար բնակարանի տիրոջը ,հետո տալիս ևս 135.000 ԱՄՆ դոլար:Որից հետո փոշմանում է : Ըստ Կարեն Ավետյանի Դրիգոն իրենից հափշտակել է այդ գումարը,քանի որ փոշմանելուց հետո բնակարանի տերը այդ գումարը տվել է Դրիգոյին,իսկ վերջինս այն իրեն չի վերադարձրել:Հատկանշականն այն է,որ քննության ժամանակ բնակարանի տերը արդեն մահացած է լինում,հավանաբար նա ցուցմունքներ է տվել այն աշխարհից ,դե քանի որ գործն օրհնված է,մեզ թվում է բացարձակապես խնդիր չի եղել քննչական հանձնարարություն ուղարկել այն աշխարհ,որտեղ որ հարցաքննել են հանգուցյալին և վերջինիս ցուցմունքները նույն խողովակով ուղարկել երկիր:Միակ հարցը այս դեպքում,որ առաջանում է,հետաքրքիր է այն աշխարհում,հանգուցյալից ցուցմունքներ վերցնելիս նախազգուշացրել են արդյոք ակնհայտ կեղծ ցուցմունք տալու համար նախատեսվող պատասխանատվության մասին,թե այնտեղ արդեն չեն ստում:

Ինչևէ հանգուցյալի «ցուցմունքներով» և Տիրոջ կամքով և օրհնությամբ,պարզվեց որ Դրինգոն կատարել է խարդախություն:Իրոք ,որ «Աստծո Գործերն Անքննելի են »
Մնացած դրվագներին կանրադառնանք հաջորդիվ:

«ԱԼԳԱ» իրավաբանական ընկերություն