ՕՊԵԿ+-ը «անկայուն հեռանկարների» է բախվում նավթի շուկաներում․ ԱՄԷ էներգետիկայի նախարար

ՕՊԵԿ+-ը (Նավթ արտահանող երկրների կազմակերպությունը - խմբ.) «անկայուն հեռանկարների» է բախվում նավթի շուկաներում՝ ինչպես պահանջարկի, այնպես էլ առաջարկի առումով, շաբաթ օրը Asharq TV-ին տված հարցազրույցում ասել է ԱՄԷ էներգետիկայի նախարար Սուհեյլ ալ-Մազրուին։

Նրա խոսքով՝ դա կապված է ռուսական նավթի նկատմամբ եվրոպական պատժամիջոցների ուժի մեջ մտնելով՝ ի հավելումն Չինաստանի կողմից «զրոյական գնանշումների» քաղաքականության չեղարկման։

ՕՊԵԿ+-ի արտադրական հզորությունները կրճատվել են օրական 3,7 մլն բարելով՝ նավթային հատվածում ներդրումների նվազման պատճառով, ասել է Ալ-Մազրուին։

Նա նաեւ նշել է, որ ԱՄԷ-ն նախաձեռնողական քայլեր է ձեռնարկում՝ որոշ երկրներում արտադրական հզորությունների կրճատումը փոխհատուցելու համար։