«Որ վրեժխնդրություն լիներ, ես հիմա շուտվանից արած կլինեի»...

Մամուլում շրջանառվող լուրերի համաձայն՝ ապրիլի 28-ի Հրազդանի ավագանու արտահերթ նիստում քննարկվել է 63 հաստիքի մասին որոշումն ուժը կորցրած ճանաչելու մասին հարցը: Ավագանին հաստատել է քաղաքապետի որոշումը և այն ուղարկել ՀՀ տարածքային կառավարման և զարգացման նախարարություն:

Նույն աղբյուրի համաձայն քաղաքապետ Արամ Դանիելյանը արդեն երկար ժամանակ է, ինչ ավագանու նիստերին ու խորհրդակցություններին որոշ բաժնի պետերի մասնակցությունն ավելորդ է համարում: Սակայն, քաղաքապետը Fnews.am-ի հետ զրույցում փորձում էր հավաստիացնել.«Նման բան չկա. մեր ավագանու նիստերը հեռարձակվում են, դուք տեսնում եք, ո՞նց կարող է նման բան լինել, չէ չկա տենց բան... բոլորն էլ մասնակցում են»,- ասաց Դանիելյանը: Իսկ այն, որ «թիրախ»-ում հայտնավածները չեն ուզում համակերպվել իրենց վիճակին, Արամ Դանելյանի դիտարկմամբ՝ դա իրենց գործն է:

«Ամեն ինչ օրենքի շրջանակում ենք անում: Կրճատումներն ամբողջ հանրապետությունով են գնում և ոչ մեկի վրեժխնդրության կամ պայքարի հետ կապված խնդիր չունենք... որ վրեժխնդրություն լիներ հիմա ես շուտվանից արած կլինեի»,-ծիծաղով նշեց քաղաքապետը, սակայն չմանրամասնեց, թե կոնկրետ ինչ վրեժխնդրութան մասին է խոսում: Պարզապես նշեց, որ ոչ այդպիսի մտադրություն չունի, ոչ էլ նպատակ: Քաղաքապետը նաև նկատեց, որ այնպիսի «մութ գործ» չունի արած, որի համար վախենա, թե կարող են իր նախկին աշխատակիցները դրանք ջրի երես հանել:

«Կամ էդ ի՞նչ պետք ա անեն, որ... դա ի՞նչ ասելու բան ա»,- իրենից գոհ փոխանցեց Դանիլյանը:

Հաջորդ հրապարակման շրջանակներում կխոսենք Հրազդանի քաղաքապետի գործունեության փառավոր էջերի մասին, ինչն անշուշտ քաղաքապետին առավել լավ բնորոշում կտա…