Օրենքի մարդ լինելով, ինչպես թույլ տվեցիք, որ ձեր որդին հանդիպի «օրենքով գողի» հետ

Համացանցը թնդում է Հովիկ Աբրահամյանի որդու՝ Արգամ Աբրահամյանի և գյումրեցի օրենքով գող Զապի՝ Անդրանիկ Սողոյանի, հանդիպման մասին լուրերով: Մարդիկ ակտիվ քննարկում են, փորձում հասկանալ, թե ինչ ընդհանուր բան կա նրանց միջև։ Ճիշտ են այդ լուրերը, թե ոչ՝ ցույց կտա ժամանակը (նշենք, որ Արգամ Աբրահամյանը հերքել է հանդիպման մասին լուրերը)։ Եվ, ի վերջո, մենք ապրում ենք մի երկրում, որտեղ պաշտոնյաների և նրանց ընտանիքների համար արգելքներ չկան: Այսինքն՝ ոչ ոք իրավունք չունի ասելու՝ պրն վարչապետ, դուք, օրենքի մարդ լինելով, ինչպես թույլ տվեցիք, որ ձեր որդին հանդիպի «օրենքով գողի» հետ։ Սա, իհարկե վերաբերում է նաև, ինչպես գողերն են ասում՝ «դփին»:

Ըստ լուրերի՝ Արգամն ու Անդրանիկը քննարկել են «100-ամյակն առանց ռեժիմի» շարժման՝ դեպի Գյումրի ավտոերթը խափանելու հարցերն ու վերջին օրերին քրեական աշխարհում տեղի ունեցած դեպքերը: Սոցիալական ցանցերի օգտատերերն իրար հարց են տալիս` իսկ ինչո՞ւ են իրար հետ նման հարցեր քննարկում սոցիալական տարբեր հարթակներում կանգնած այս մարդիկ: Զարմանում եմ մեր ժողովրդի զարմանալու անսպառ ունակության վրա: Ընդամենը մի 2 ամիս առաջ չէ՞ր, որ Հայաստանում տեղի ունեցավ գողերի «սխոդկան», որին մասնակցեցին միջազգային մասշտաբի հայտնի գողեր: Ժողովուրդը ցնցված էր, բոլորը միայն այդ մասին էին խոսում, ԶԼՄ-ներն այդ մասին էին գրում: Մարդիկ հավատացած էին, թե պատկան մարմինները թույլ չեն տա, որ գողերի այդ հավաքը տեղի ունենա:

Այլ մանրամասներ`Հարթակ պարբերականում: