Օրենքով գող Մերաբը գրոհում է. նա ջերմ հարաբերություններ ունի Դոն Պիպոյի հետ

ԱՍԵԿՈՍԵ 

Newsmedia-ին հասած տեղեկությունների համաձայն, քրեական աշխարհում նոր կրքեր են հասունանում:

Բանն այն է, որ հատկապես թավշյա հեղափոխությունից հետո, քրեական աշխարհի դեմքերը՝ հատկապես օրենքով գողեր Անդրանիկ Սողոյանը՝ Զապ Լենինականսկին , Ալոն, Մանեթի տղա Սամվելիկը, Ավետի տղա Սեւոն, Արմեն Ղազարյանը՝ Պզոն, օրենքով գող Սուրեն Ավետիսյանը՝ Սուրոն,  «Գորիսեցի Արտեմիկ» մականվամբ «օրենքով գող» Արտեմ Դինունցը, «Օշականցի Գևորիկը», «Քոնչո» մականվամբ  Նորայր Փիլոյանը, «Մեծամորի Երո» մականվամբ քրեական հեղինակություն Երվանդ Ոսկանյանը, «Վիրաբիկ» մականվամբ քրեական հեղինակություն Վիրաբ Գասպարյանը եւ այլոք, քրեական աշխարհի կարկառուն դեմք՝ Զախարի Քալաշովի (Շաքրո Մալադոյի) «քավորությամբ»  փորձում էին պահպանել խաղաղ գոյակցության կանոնները:

Կամ այլ կերպ ասած. նախկինում մի քանի կլանների ու թեւերի բաժանված ախոյանները, Շաքրոյի «դաբրոյով ջրել էին»  այսպես ասած իրար մեջ ունեցած հին հախ ու հաշիվները՝ փորձելով հնարավորինս շուտ ընդհանուր հայտարարի գալ՝այսուհետ պահպանելով խաղի կանոնները՝ միմյանց նկատմամբ:

Այնինչ , օրենքով գող» Մերաբը , ում խոսքն այսօր առավել ազդեցիկ ու որոշիչ է քրեական աշխարհում, խառնել է Շաքրոյի խաղաքարտերն ու քրեական դեմքերին ու օրենքով գողերին մեսիջ  ուղարկել, որ շատերը չեն կարող օրենքով գողի տիտուլը պահել, քանի որ սխալներ ու արարքներ են եղել, որոնք գողական օրենքների համաձայն, ներման արժանի չեն...

Հիշեցնենք, որ քրեական աշխարհի կնքահայր Դեդ Հասանի սպանությունը հանցավոր աշխարհում բավական տագնապալի իրավիճակ էր ստեղծել: Սպանությունից հետո լուրեր էին տարածվել , որ Դեդ Հասանի կլանը կղեկավարի իր ազգական Դմիդրի Չանտուրայը:
Սակայն ստացվեց այնպես, որ այդ տեղը բաժին հասավ «օրենքով գող» Շաքրոյին է(Շաքրո Մալադոյին): Ճիշտ է, Շաքրոն իրականում բավական մեծ ազդեցություն և կարողություն   ունի Ռուսաստանի Դաշնությունում, սակայն ստացվում է այնպես, որ նրա դերը կարծես թե գնալով երկրորդ պլան է մղվում:

Իսկ թե ի վերջո,  ինչով կավարտվեն քրեական աշխարհում եռացող կրքերն ու կուտակված հարցերը, ցույց կտա ժամանակը:

Թեեւ, դժվար չէ պատկերացնել, թե նման դեպքերում ինչպիսի ավարտ է ունենում քրեական պարագլուխների բախումը:

 Հ.Գ

Ի դեպ ըստ շրջանառվող  լուրերի,  օրենքով գող Մերաբը  բավականին ջերմ  հարաբերությունների ունի  նաեւ  Դոն Պիպոյի  հետ, ով  եւս   որոշիչ ազդեցություն ունի  Հայաստանում: 

Այլ մանրամասների մասին՝ հաջորդիվ: