Որտեղ է կռվել Սամվել Ալեքսանյանը

«Առավոտ» թերթը գրում է. «ՀՀԿ-ական պատգամավոր, ԵԿՄ անդամ Սամվել Ալեքսանյանը, երբ լրագրողները սկսել էին քննադատել, թե ինչո՞ւ է ինքը երկրապահ, ե՞րբ է կռվել եւ այլն, ասել էր, որ կռվել է 5-րդ բրիգադում՝ Շահումյանում:

Այնուհետեւ Շահումյանում կռված ազատամարտիկները, հրամանատարները մեկը մյուսի հետեւից հերքեցին դա՝ ասելով, որ 5-րդ բրիգադը Շահումյանում չի եղել առհասարակ:

Արցախի հերոս Արկադի Տեր-Թադեւոսյանը մեզ հետ զրույցում ասել էր, որ Ալեքսանյանին կռվի դաշտում չի տեսել, գուցե մի տեղ կռվել է, բայց իրեն չի հանդիպել, հավանաբար թիկունքում է եղել:

Այս առնչությամբ «Առավոտը» Սամվել Ալեքսանյանին հարցրեց՝ ի վերջո կռվե՞լ է Շահումյանի 5-րդ բրիգադում, թե՞ ոչ: Նա ուշագրավ պատասխան տվեց. «Մեր բրիգադն ա եղել Շահումյանում, ցավդ տանեմ: Չէ, չէ, Ղարաբաղի Շահումյանում չէ, մեր Շահումյանում 5-րդ բրիգադն ա եղել»:

Պարզվում է՝ Շահումյան ասելով Սամվել Ալեքսանյանը նկատի է ունեցել Մալաթիայի Շահումյանը, որտեղ բրիգադ է կազմավորել, ինքն էլ դրա կազմում է եղել: Իսկ թե ո՞ւր է գնացել, կոնկրետ որտե՞ղ են կռվել՝ Ալեքսանյանը պատասխանեց. «Ես թիկունքի տեղակալն եմ եղել, ցավդ տանեմ, թիկունքի գծով եմ եղել»:

Առավել մանրամասն՝ թերթի այսօրվա համարում