«Ոսկու շուկայի» անհետացած աշխատակիցը ո՞ղջ է.Նոր մանրամասներ

«Ոսկու շուկայի» աշխատակիցներին կանչել են հարցաքննության Նելլի Հարությունյանի անհետացման հետ կապված: Այս մասին Hraparak.am-ի հետ զրույցում ասաց «Ոսկու շուկայի» աշխատակից տիկին Շողիկը: Նա տեղեկացրեց, որ իրենք պատմել են  եղելությունը. «Ասել ենք, որ այդ օրը իր մոտ 10 հազար դոլարին համարժեք դրամ է ունեցել, գումարը իր հետ է վերցրել ու անհետ կորել»:

Աշխատակիցները Նելլիի անհետացման հետ կապված մի նոր վարկած են առաջ քաշում. «Մենք կարծում ենք, որ դրամը ուզեցել է գումարի վերածել, ու էստեղ տարադրամի աշխատակցի մատնել է խառը»: Տիկին Շողիկն ասաց, որ «Ոսկու շուկայում» Նելլի զբաղեցրած տարածքը դեռևս ոչ ոք չի շահագործում: «Այն դեռ փակ է, Նելլիի հարազատներից էլ տարածքի համար գումար չենք վերցնում: Մինչև չիմանանք՝ ինչ է կատարվել, որևէ բան անել չենք կարող»,-ասաց տիկին Շողիկը՝  հավելելով, որ Նելլիի մասին որևէ մեկը նորություն չունի: 

Տիկին Շողիկն ասում է, որ եթե նա Հայաստանից գնացած լիներ, սահմանն անցած լիներ, այդ մասին ոստիկանությունը կիմանար. «Եթե սահմանն անցած լիներ, կիմանայինք, ուղղակի արդեն բացասական ենք միայն մտածում»:

Hraparak.am-ի իրավապահ համակարգին մոտ կանգնած աղբյուրների փոխանցմամբ՝ Նելլին Հայաստանում է, ողջ է, պարզապես ներընտանեկան խնդիրների պատճառով հեռացել է: Մեր տեղեկություններով՝ նա արդեն կապի մեջ է դուրս եկել մտերիմների հետ:

մանրամասները՝hraparak.am-ում: