Ոստիկանապետի ԺՊ-ն՝ ընկած այս Տեսանյութերն էր ականատես վկաներից ման գալիս, որպեսզի այն ոչնչացնի

Սիսիանի ոստիկանապետի վարքագիծը, ում դեմ այս պահին շուրջ 12 տարբեր գործերով հաղորդում է տրված՝ չի համապատասխանում իրավապահ մարմնի ներկայացուցչի վարքագծին

Advocateinfo Lratvakan-ը հրապարակել է տեսագրություն, թե ինչպես է Սիսիանի ոստիկանապետի ժպ-ն սեռական հայհոյանքներ հնչեցնում քաղաքացիների հասցեին:
Երբ է արվել տեսագրությունը, ում կողմից եւ ինչի մասին է խոսում օրենքի ներկայացուցչի կողմից նման վարքագծի դրսեւորումը , NEWSMEDIA.am-ը հետաքրքրվեց Սիսիանում ծեծի ենթարկված երեք անձանց եւ նույն ոստիկանապետի ժպ-ի կողմից խոշտանգված 60-ամյա Գառնիկ պապիկի շահերի ներկայացուցիչ, մի շարք աղմկահարույց գործերով հայտնի փաստաբան ԼՈՒՍԻՆԵ ԶԵՅԼՆԱԼՅԱՆԻՑ, ով նկատեց.

-Ինչպես նշել էի Սիսիանի ոստիկանապետի ժպ-ի եւ նրա աշխատակիցների կողմից ծեծված երեք անձիք՝ քաղաքում ճանաչված, հարգված մարդիկ են. մեկը ավագանու անդամ է, մյուսը հոգեւորական: Տեսնելով վերջիններիս նկատմամբ իրականացված անօրինականությունը, ժողովուրդը ինքնաբուխ հավաքվել էր՝ ի աջակցություն ծեծվածների: Եվ այդ ամենը բնականաբար դուր չի եկել ոստիկանապետի ժպ-ն, վերջինս էլ վեճի է բռնվել ՝ իրեն դրսեւորելով վերջնականապես:

Ոստիկանապետի ժպ-ն,  ընկած այս տեսանյութերն էր ականատես վկաներից ման գալիս, որպեսզի ծեծերի շարանի ժամանակ տեղ գտած իր հայհոյանքները, անօրեն վարքագիծը՝ այպես ասած ոչնչացնի: Այս տեսանյութը մեր խմբին ուղարկել է ականտեսներից մեկը, ով կրկին անգամ ժպ-ի դեմ հաղորդում է ներկայացրել:

Փաստաբանի խոսքով.

-Մենք սա չէինք հրապարակի, եթե վերջին օրերին չսկսվեր ոստիկանապետի ժպ-ի եւ նրա աշխատակիցների հարազատների արշավը մեր դեմ, ովքեր փորձում են ոստիկանապետին հրեշտակ ձեւացնել, իսկ մեզ լրիվ այլ կերպ են ներկայացնում:
Սիսիանի ոստիկանապետի վարքագիծը, ում դեմ այս պահին շուրջ տասներկու տարբեր գործերով հաղորդում է տրված՝ չի համապատասխանում իրավապահ մարմնի ներկայացուցչի վարքագծին, վերջինիս կատարած գործողությունները չեն բխում արդարադատության շահերից:

ՆՈՆԱ ԱԴԱՄՅԱՆ 

NewsMedia.am 

Լուրեր  Հայաստանից եւ աշխարհից