Ով է աղքատ համարվում Հայաստանում

Աղքատ են նրանք, ում ամսեկան սպառումը մեկ չափահաս անձի հաշվով ցածր է աղքատության վերին ընդհանուր գծից, որը 2015 թվականին սահմանվել է 41698 դրամ։ Հասկանու՞մ եք, ով է աղքատ համարվում Հայաստանում։ Ում սպառումը ամսեկան 80 դոլարից ցածր է։ Այսինքն այդ 30%-ի մեջ մտնում են նրանք, ում սպառումը 80 դոլարից քիչ է։ Այսինքն, եթե սպառումդ ամսեկան 100 դոլար լինի, դու էլ աղքատ չես համարվում։ Այսինքն, եթե հանկարծ մտքներովս անցնի աղքատության վերին ընդհանուր գիծը սարքենք 150 դոլար, Հայաստանի կեսից ավելը աղքատ կդառնա, գոնե վիճակագրորեն:Ամբողջ խնդիրը նրանում է, որ մենք ցավալիորեն սկսել ենք չնկատել աղքատներին, քանի որ կառուցվածքային աղքատությունը հանգեցնում է նրան, որ իրանք սկսում են նաև մեկուսանալ: Իրանք այնքան են դադարում մասնակցել երկրի կյանքին, բոլոր առումներով, որ դու սկսում ես մոռանալ իրանց գոյության մասին ու մենակ տեսնում ես նրանց, ովքեր այֆոն ունեն ու տարին մի անգամ գնում են Քոբուլեթի: Իսկ գիտե՞ք ինչքան մարդ իրանց գյուղից այն կողմ բան չի տեսել: Էլ չեմ ասում նրա մասին, թե քանի մարդ է դեռ դոմիկներում ապրում Գյումրիում: