Ողբերգությունից մեկ օր առաջ Ավետիսյանները պատրաստվում էին փոխել մուտքի դուռը

Այս շաբաթ ՌԴ Քննչական Կոմիտեն Վալերի Պերմյակովի գործը փոխանցել է Հայաստանի Քննչական կոմիտեի ներկայացուցիչներին։

«Комсомольская Правда» պարբերականի լրագրող Նիկոլայ Վարսոգովը ուսումնասիրել է այդ հանցագործության հանգամանքները:

Հիշեցնենք, որ սույն թվականի հունվարի 12-ին Գյումրիի մասնավոր տներից մեկում սպանվել էին Ավետիսյանների ընտանիքի 7 անդամներից 6-ը, իսկ 6 ամսեկան Սերյոժան ծակող կտրող վնասվածքներով տեղափոխվել էր հիվանդանոց, որտեղ մեկ շաբաթ անց մահացավ:

Հանցագործության վայրում հայտնաբերվել են 102-րդ ռուսական ռազմաբազայի զինվոր Վալերի Պերմյակովին պատկանող զինվորական զգեստ, կոշիկ, Կալաշնիկովի ավտոմատ:

Պերմյակովը Գյումրի է տեղափոխվել 2014 թվականի դեկտեմբերի 3-ին:

Ինչպես հայտնի է, այդ գիշեր Պերմյակովը անհետացել էր իր դիրքերից: Ոտքով ավտոմատը ձեռքին անցել մոտավորապես 4 կմ քաղաքի միջով և ներխուժել Ավետիսյանների տուն: Այնտեղ սպանելով ընտանիքի անդամներին, նա փոխում է իր հագուստը, հագնում Արմենին պատկանող հագուստ և առավոտյան ժամը 6-ին գնում է դեպի թուրքական սահման (դա մոտավորապես 12 կմ է): Ճանապարհին նա ինչ-որ տեղ պառկվում է, իսկ կեսգիշերին դուրս գալիս դեպի սահման, որտեղ և նրան հայտնաբերում են ռուս սահմանապահները: Սահմանապահները իհարկե արդեն գիտեին հանցագործության և փախած զինվորի մասին: Նրան միանգամից հարցաքննում են:

Առաջինը, ինչ ասել է Պերմյակովը սահմանապահներին, ես այս մարդն եմ: Ես ոչ ոքու չեմ սպանել: Ինձ տվեցին երկու «պեպսի-կոլա» և շաուրմա: Այս մասին պարբերականի լրագրողին հայտնել է Երևանում մի ռուս բարձրաստիճան զինվորական:

Եվ ինչ է դա նշանակում:

-Ոչ ոք դա չհասկացավ: Սակայն, հետաքրքիր է, որ այդ ցուցմունքները կոլայի և շաուրմայի և «չսպանելու» մասին ուղղակի անհետացան հետաքննության արձանագրություններից,-հստակեցրել է զինծառայողը:

Գյումրիում, թե բնակչությունը, թե իրավապահները գործի երկու վարկածխի են հակված: Ըստ առաջին վարկածի՝ զինվորը խախտվել էր ծառայության պատճառով: Իսկ երկրորդ վարկածի համաձայն` դա պլանավորած դիվերսիա էր, որպեսզի սրվեն Հայաստանի և Ռուսաստանի միջև հարաբերությունները: Քանի որ չէր կարող մի մարդ սպանել հինգ մեծի և երկու երեխա:

Ավելի մանրամասն կարդացեք այստեղ