Պարոն Փաշինյան, եւ պարոն Օսիպյան, ասֆալտին փռելու գործ է բացվել

Երեւանի քաղաքի «փալանչի խորոշիներից» շատերը շարունակում են մաքրել վարորդների գրպանները, մայրաքաղաքի այս կամ այն համայնքի պետական մայթի վրա կայանելու թույլտվություն տրամադրելու համար: 

Ընդամենը մի քանի օր առաջ, (ՀՀ 2019 թ-ի բյուջեի նախագծի քննարկման ժամանակ) ՀՀ վարչապետի պաշտոնակատար Նիկոլ Փաշինյանը հայտարարեց, որ Հայաստանում անհատ տաքսիստները կազատվեն արտոնագրային վճարներից: Նիկոլ Փաշինյանն իր խոսքում մասնավորապես նշեց. «Մենք ասում ենք, որ եթե մարդն անհատ տաքսիստ է, նա ոչ մի վճարում անելու պարտավորություն չունի և կարող է աշխատել առանց լիցենզիայի»:
Վարչապետի այս հայտարարությունը, ինչ խոսք մեծ ոգեւորությամբ ընդունվեց վարորդների շրջանում, սակայն վարչապետի այս հայտարարությունից հետո անգամ, փողոցային մակարդակի «տասովշիկները» այդպես էլ որոշեցին հետ չկանգնել նախկինների օրոք ծավալած իրենց «գրդոն բիզնեսի» գործունեությունից:
Բանը նրանում է, որ եթե այսօր վարչապետի հայտարարությունից հետո, վարորդները հույս փայփայեցին, որ կարող են մի փոքր շունչ քաշել, եւ իրենց օրվա հացի խնդիրը լուծել, արի ու տես որ ՀՀ-ի՝ մասնավորապես Երեւանի քաղաքի «փալանչի խորոշիներից» շատերը շարունակում են մաքրել վարորդների գրպանները, մայրաքաղաքի այս կամ այն համայնքի պետական մայթի վրա կայանելու թույլտվություն տրամադրելու համար:
Ասել է թե. անհատ տաքսի վարորդների մի զգալի մասի արյունը խմելով , անհայտ ծագումնաբանությամբ ինչ-ինչ փողոցային տզրուկներ, որոնց վրա Փաշինյանից առաջ գողականի փոշի էր նստած, շարունակում են իրենց թաթփուկությունը բանեցնել վարորդների շրջանում:
ՀՀ-ում չկա մի հիվանդանոց, չկա մի առեւտրի կենտրոն, չկա մի ծառ ու թուփ, որի հետեւոմ կանգնած չլինի քուչի շարքային մի խուժան, ով տվյալ տարածքի «ասիչն է, ու գրդոն» անողը:
Եթե այսօր պատկան կառուցի ցանկացած ներկայացուցիչ, մի փոքրիկ շրջայց կատարի, (եւ մի փոքր հետաքրքրություն անգամ ցուցաբերի) վայրկյանների ընթացքում կհամոզվի, թե պետական նշանակության մայթերից՝վարորդների հաշվին ինչ կերպ են փքվում այն պորտաբույծները, որոնց բան ու գործը պետական մայթերին դիրիժորություն անելն ու վարորդների հաշվին գողական գնալն է…
Հարց է առաջանում. այս կամ այն պետական մայթը , ՍՊԸ-ի ու սեփական ցեխի հետ շփոթած պորտաբույծը, ո՞ր իրավունքով է տարիներ շարունակ «նայիչ» աշխատել վարորդների գլխին: Եւ հանուն ինչի է, այս կամ մակաբույծը տիրություն անող կարգվել պետական մայթերի վրա:
Հարգելի պարոն Փաշինյան, եւ պարոն Օսիպյան, իրականում ասֆալտին փռելու գործ է բացվել, քանի որ փողոցի խուժանը անդրդվելի է՝իր բոլոր դրսեւորումներում:
Ստացվում է, վարչապետ Փաշինյանը գիտակցելով ժողովրդի սոցիալական վիճակն ու պայմանները գնում է զիջումների, սակայն թափթփուկները շարունակում են իրենց սեւ գործը ՝ակամայից ցեխ շպրտելով վարչապետի գործունեության ու նրա կողմից արված հայտարարությունների վրա:
Պարոն Օսիպյան, այսօր ցանկացած պետական մայթ, ըստ էության «սեփականաշնորհված» է անկառավարելի մի ամբոխի ու ոհմակի կողմից, որը դեռ փորձում է խաղի կանոններ թելադրել:
Դա է պատճառը, որ շատ հաճախ կոնֆլիկտներ, վեճեր ու տարաբնույթ միջադեպեր են լինում անհատ տաքսի վարորդների ու տվյալ տարածքի ռեկետչիկի շրջանում:
Բոլորովին վերջերս, մի տարեց տաքսու վարորդ, ցավով պատմեց, որ օրինակ Մոլերի ու հիվանդանոցների առաջ կայանելու համար պետք է ունենա ոչ թե պետական ինչ-որ մի կառույցի, այլ այդ տարածքի «նայողների» թույլտվությունը:
Թե չէ. ինչպես զրուցակիցս նշեց, հետեւանքները կարող են եւ անդառնալի լինել…
Այս դեպքից հետո, փորձեցի պարզել, թե ինչ է կատարավում Մոլերի ու հիվանդանոցների առաջ, եւ ինչ. պարզվեց որ դրանց տարածքում կայանող անհատ տաքսու վարորդները իսկապես պետք է դաբրոներ ունենան՝ պետական նշանակության մայթերին կայանելու համար:

Հ.Գ Չեմ կասկածում, որ ՀՀ ոստիկանությունը ինֆորմացիայի խնդիր ունի, թե որ տարածքում ով ինչով է զբաղված, ով ինչ կերպ է կեղեքում վարորդներին եւ հանուն ինչի…
Իսկ եթե մինչ այսօր ՀՀ ոստիկանությունն այդ խնդրով չի զբաղվել, ապա կարծում եմ, որ վայրկյանների հարց է՝ պարզելու եւ կարգի հրավիրելու այն խաժամուժին, որի թեթեւ ձեռքով մայրաքաղաքում ամենաթողության մթնոլորտ է տիրում՝ այս խնդրի հետ կապված:

Եւ վերջում կուզենայի վերը նշված խնդրի վերաբերյալ հրավիրել նաեւ Երեւանի քաղաքապետ Հայկ Մարությանի ուշադրությունը ու ուղղել նրան հետեւյալ հարցը.
-Պարոն Մարության, ժամանակը չէ՞. որ Երեւան քաղաքի մայթերի, բիզնես կենտրոննների, հիվանդանոցների, հյուրանոցների ու տարբեր նշանակության օբյեկտների առաջ(առանց տիրություն անող գիշատիչների) լինեն հատուկ նշաններ՝ տաքսիներ կայանման համար, որպեսզի նման բարդակ ու քաոս չստեղծվի մայրաքաղաք Երեւանում:
Այս պատկերն ու հատկապես այս ոլորտում արմատացած արատավոր բարքերը իսկապես մեծ խայտառակություն են մայրաքաղաք Երեւանի համար :

Անի Ավագյան

Շարունակելի