Պարզվել են Ֆրանսիական Ալպերում կործանված ինքնաթիռի զոհերից 78-ի ԴՆԹ-ները

Germanwings ավիաընկերության Airbus A320 ինքնաթիռի` Ֆրանսիական Ալպերում կործանումից հինգ օր անց քննիչները պարզել են ինքնաթիռի 150 զոհերից 78-ի ԴՆԹ-ները:

Նրանք, սակայն, հերքել են այն լուրերը, թե հայտնաբերել են օդաչուներից մեկի` Անդրեաս Լյուբիցի մասունքները:

Ինքնաթիռի ձայնագրությունը վկայում է, որ նա միտումնավոր է վթարի ենթարկել ինքնաթիռը:

Գերմանական լրատվամիջոցներում հայտնվել է վթարից առաջ վերջին րոպեների ձայնագրությունը: Լսվում է, թե ինչպես է օդաչուների խցիկից դուրս հայտնված մյուս օդաչուն բղավում. «Բացի՛ր գրողի տարած դուռը»:

Փրկարարները շարունակում են մարդկանց մասունքների և ինքնաթիռի մասերի` այդ թվում նաև թռիչքի տվյալների ձայնագրիչի, որոնողական աշխատանքները:

ԶԼՄ-ներ