Պաշտոնյան անհանգստանում է իր ընտանիքի համար, իրավապահները ադեկվատ չեն. Ժողովուրդ

ՀՀ հաշվեքննիչ պալատի աշխատակից Արմեն Հովհաննիսյանը, ում բնակարանից վերջերս գողություն էր կատարվել, դիմել է ՄԻՊ-ին: Հիշեցնենք, որ օրերս հրապարակվեց այն մասին, որ հունվարի 25-ին` Ժամը 20:30-ի սահմաններում, ոստիկանություն է դիմել ՀՀ հաշվեքննիչ պալատում որպես գլխավոր մասնագետ աշխատող Արմեն Հովհաննիսյանը և հայտնել, որ տեխնիկական միջոցների գործադրմամբ բացել են իր տան մուտքի դուռը և գողություն կատարել:

Օրաթերթին կատարված դեպքից մանրամասներ են հայտնի դարձել. Արմեն Հովհաննիսյանի մտերիմները պատմեցին, որ իրականում այն, ինչ հրապարակվել է մամուլում, թե 15 միլիոնի գողություն է եղել, իրականությանը չի համապատասխանում: «Տանից միլիոնների ապրանք չեն տարել, այլ տարել են մի քանի զարդ, սակայն այս իրավիճակում մտահոգիչ է այն, որ իրավապահները համապատասխան քննչական գործողություն դեռ չիրականացրած` կատարվածի մասին շտապում են հայտնել մամուլին և այլն էլ ոչ հավաստի տեղեություններ` ոտնահարելով մեր հարազատների իրավունքները»:

Մեր զրուցակիցը հայտնեց, որ գողերը երբ մտել են տուն, գլխավոր մասնագետի որդին քնած է եղել, և Աստծուց գոհ են այն բանի համար, որ նրան չեն վնասել: Ի դեպ, հայտնի դարձավ, որ Արմեն Հովհաննիսյանը պատրաստվում է դիմել իրավապահների իր տան շուրջօրյա անվտանգությունը ապահովելու համար: «Գողերը չեն հայտնաբերվել: Արմեն Հովհաննիսյանի անունը հրապարակվել է, ինքը անհանգստանում է իր ընտանիքի համար, դրա համար դիմում է ՄԻՊ, որ իր անձնական տվյալների սկզբունքը անտեսել են և հրապարակել են»,- նշեց թերթի զրուցակիցը:

Այլ հրապարակումներին ծանոթացեք թերթի այս համարում: