Պաշտպանության նախարարությունը պարտավոր է անհապաղ օգնություն ցուցաբերել հիվանդ զինծառայողներին

Պաշտպանության նախարարությունը պարտավոր է անհապաղ օգնություն ցուցաբերել հիվանդ զինծառայողներին: Այս մասին այսօր՝ ԱԺ պաշտպանության և անվտանգության հարցերի մշտական հանձնաժողովի նիստում ասաց ՀՀ պաշտպանության փոխնախարար Արման Սարգսյանը՝ զինծառայողների նկատմամբ սահմանափակումներն ավելացնելու հարցի քննարկման ժամանակ:

Միևնույն ժամանակ նա ընդգծեց, որ երբեմն զինծառայողները հիվանդ են ձևանում, որ խուսափեն հերթապահությունից:

«Այսօր գատղնիք չէ, որ զինծառայողները, ովքեր խնդիր են ունենում, բոլորը ցանկանում են, որ արագ արձագանք տրվի, ինչը, բնական է, ու պարտավոր ենք տալ, նաև դրանից հետո ցանկանում են վիրահատություն, վիրահատությունը, որպես կանոն, ցանկանում են Երևանի կենտրոնական կլինիկական հոսպիտալում, դրանից հետո ցանկանում են պարտադիր մայրական խնամք, իհարկե, դա իրենց իրավունքն է։ Ով հիվանդ է, մենք պարտավոր ենք հիվանդներին արագ ապաքինել, բայց նաև հիվանդ լինելը հնարավորություն է հերթապահությունից, առավոտյան «վեր կաց»-ից խուսափելու», - ասաց Սարգսյանը։

Արձագանքելով փոխնախարարին՝ հանձնաժողովի նախագահ Անդրանիկ Քոչարյանն ասաց. «Բոլորս էլ դրա միջով անցել ենք, խնդրում եմ ըմբռնումով մոտենալ»։