Փաստաբանների ծեծկռտուքի հետևանքով դիմածոնոտային կոտրվածք է ստացել փաստաբան Արսեն Հարությունյանը

Առաջինը հարվածող եղել է փաստաբան Տիգրան Աթանեսյանը, և առաջին հայհոյողը ևս նա է եղել, տղայական հողի վրա տեղի ունեցավ այդ քաշքշուկը: Այդ մասին այսօր լրագրողների հետ հանդիպմանը որպես պարզաբանում նախօրեին տեղի ունեցած միջադեպի ասաց Փաստաբանների դպրոցի տնօրեն Սիմոն Բաբայանը:

Բաբայանը, ներկայացնելով միջադեպի նախապատմությունը, նշեց, որ Տիգրան Աթանեսյանը, Արմեն Սողոմոնյանը, Երվանդ Վարոսյանը և մի շարք այլ փաստաբաններ տևական ժամանակ իրենց անձանական էջերում, ինչպես նաև հրապարակային ֆեյսբուքյան այլ էջերում բազմաթիվ անգամներ վիրավորել են իրեն, պալատի աշխատակազմին և իր գործընկներին:

Հերթական վիրավորանքը, որը ուղղված է եղել Սիմոն Բաբայանի և նրա ընտանիքի հասեցին, որոնք պարունակել են սեռական բնույթի հայհոյանքներ, պարզաբանելու նպատակով Սիմոն Բաբայանը, Արսեն Հարությունյանի, Գևորգ Մկրտչյանի և Վրեժ Խաչիկյանի հետ միասին, գնացել է Տիգրան Աթանեսյանի գրասենյակ՝ պարզաբանում ստանալու նպատակով:

Ըստ Սիմոնան Բաբայանի՝ երբ փորձել է պարզաբանում ստանալ Աթանեսյանի արված հայհոյանքների վերաբերյալ վերջինս, կրկին հայհոյել է իրեն և հարվածել, տեղի է ունեցել քաշքշուկ, ինքը Արմեն Սողոմոնյանին չի հարվածել և նպատակ էլ չի ունեցել քաշքշուկ սարքելու, խնդիրը պարզապես պարզաբանումն է եղել:

Սակայն Արմեն Սողոմոնյանը հարվածել է Արսեն Հարությունյանին, ինչի հետևանքով վերջինս դիմածնոտային կոտրվածք է ստացել:

Այդ մասին պարզել են երբ միջադեպից հետո դիմել են բժշկի:

Բացի այդ Աթանեսյանի կողմից շրջանառության մեջ դրված այն լուրերը, թե ինչ որ կտրող-ծակող առարկայով են եկել իր գրասենյակ և հարվածել Արմեն Սողոմոնյանին, իրականության չի համապատասխանում. «մեզանից որևէ մեկը սուր-կտրող գործիք իր հետ չի ունեցել»:

Թե ինչ է տեղի ունեցել, նախաքննությամբ կպարզվի: Ասել է Բաբայանը՝ հավելելով, որ ցավում է կատարվածի համար և դատապարտում է ցանկացած բռնի գործողություն:

«Որպես փաստաբան՝ կարծում եմ, որ չպետք է հայտնվեի նմանատիպ իրավիճակում»,- ասաց Փաստաբանական դպրոցի տնօրենը՝ միևնույն ժամանակ միջադեպի մյուս կողմին հայտնելով, որ հրաժարական ներկայացնելու առիթ չունի և որ ստիպված է եղել առերես հասկանալ, թե ինչն է նրանց պահվածքի պատճառը:

Միևնույն ժամանակ Սիմոն Բաբայանը նաև տեղեկացրեց, որ այսօր պարտրաստվում է միջնորդություն ներկայացնել ոստիկանություն, որպեսզի նախապատրաստվող նյութերը տեղափոխվեն քննչական մարմիններ:

Բաբայանը տեղեկացել է, որ փաստաբան Տիգրան Աթանեսյանը Ոստիկանապետ Վլադիմիր Գասպարյանի փաստաբանն է, այս պահին որևէ առիթ չունի կասկածներ ունենալու, սակայն որպեսզի գործը բազամակողմի և օբյեկտիվ քննվի կցանկանա, որ քննչական մարմիններն այն քննեն:

 Լուսանկարում՝ Փաստաբանների դպրոցի տնօրեն Սիմոն Բաբայանը

 Աղբյուր` Փաստինֆո