ՊԱՏԱՆԵԿԱՆ ԵԱ. ՍԵՐՅՈԺԱ ԲԱՐՍԵՂՅԱՆԸ ԵՎՐՈՊԱՅԻ ՌԵԿՈՐԴՆԵՐՈՎ ՆՎԱՃԵԼ Է ՀԱՂԹՈՂԻ ՏԻՏՂՈՍԸ

Լեհաստանում ընթացող ծանրամարտի Եվրոպայի պատանիների և մինչև 15 տարեկանների առաջնությունում, Հայաստանը հերթական մեդալներն է նվաճել։ Մ15 տարեկանների Եվրոպայի առաջնությունում Հայաստանի ներկայացուցիչ 61կգ քաշային ՍԵՐՅՈԺԱ ԲԱՐՍԵՂՅԱՆԸ միանգամից երկու ռեկորդ է սահմանել և հռչակվել չեմպիոն։ Նա երկամարտի ռեկորդային 236կգ արդյունքով է նվաճել ոսկե մեդալը։

Պոկում վարժությունում բարձրացրել է 111կգ, ինչը ևս Եվրոպայի ռեկորդ է այս տարիքային խմբում։ Հրում վարժությունում Բարսեղյանը գլխավերևում պահել է 125կգ ծանրաձողը։ Առանձին վարժություններում նա արժանացել է 2 փոքր ոսկե մեդալների։ Եվրոպայի պատանիների առաջնությունում 16֊ամյա Ժորա Գրիգորյանը երկամարտի 225կգ արդյունքով դարձել է արծաթե մեդալակիր։ 55կգ քաշայինների պայքարում Գրիգորյանը պոկում վարժությունում 100կգ արդյունքով նվաճել է փոքր բրոնզե մեդալ, իսկ հրում վարժությունում 125կգ արդյունքով դարձել է ոսկե մեդալակիր։

Ավելի վաղ Եվրոպայի պատանեկան առաջնության չեմպիոններ էին դարձել Գյումրեցի ծանրորդներ Միքայել Չոլակյանն ու Ալեքսանդրա Գրիգորյանը։ Եվրոպայի պատանիների և Մ15 տարեկանների առաջնությունը կավարտվի օգոստոսի 17֊ին։